krupki.by

ru RU be BE en EN


Жыццё Таццяны Якаўлевай умясціла ў сябе яркія падзеі гісторыі краіны

Автор / Земляки / Среда, 01 апреля 2020 15:16 / Просмотров: 577

Ветэрана вайны Таццяну Іванаўну Якаўлеву ведалі многія і многія крупчане. У 70-80-я гады яна была пастаянным госцем і ўдзельнікам партыйных і камсамольскіх форумаў, розных раённых мерапрыемстваў.

Таццяна Іванаўна Якаўлева, дачка чырвонага камандзіра, які загінуў смерцю храбрых у барацьбе з белагвардзейскімі бандамі на Каўказе, удзельніка Вялікай Айчыннай вайны.

Падчас нашай сустрэчы, 32 гады таму, ёй было 64 гады. Аднак, як вядома, чалавечае жыццё вымяраецца не гадамі, а тым, які след ён пакіне пасля сябе.

– Чалавека не будзе, а памяць пра яго застанецца, – гаварыла Таццяна Іванаўна. І ў пацвярджэнне сказанага павольным позіркам акідвала сцены ўласнага дома. А на іх – гісторыя яе неардынарнага жыцця, яе памяць. Кожны сувенір нагадваў ёй прыемныя ўспаміны:

 – Вось перад намі пано «Ой, бярозы ды сосны» – падарунак са злёту партызанскіх брыгад. А вось гэта – з Краснадара, Разані, Акцюбінска...

Пагадзімся, сапраўдны музей! Далей мы гарталі альбомы з пажаўцелымі ад даўнасці здымкамі, з якіх пазірае маладосць жанчыны, апранутай у шынель.

– У Дзень Перамогі я хадзіла па Берліну, была ў рэйхстагу, дзе зусім нядаўна ішлі баі. Незнаёмыя людзі паціскалі рукі, абдымаліся, спявалі песні. З імі спявала і я сваю любімую «Кацюшу».

Слухаеш яе аповяд, і перад вачыма паўстае воблік маладой жанчыны ў салдацкай гімнасцёрцы з ордэнамі на грудзях, а навокал – радасныя, шчаслівыя людзі, таварышы па зброі, якія вынеслі вайну на сваіх плячах.

Вялізны букет бэзу нагадаў Таццяне Іванаўне родны дом у далёкай адсюль Беларусі, сяброў з партызанскай брыгады імя Гудкова, з якімі граміла шэйкаўскі гарнізон, ставіла міны на «жалезцы».

...І вось Таццяна Іванаўна стаіць у акружэнні франтавікоў сёмай гвар­дзейскай ордэнаў Суворава і Кутузава авіядывізіі, што прымала ўдзел у вызваленні Букавіны і краін Заходняй Еўропы.

На пытанне, адкуль столькі энергіі, жыццярадаснасці, Таццяна Іванаўна адказала: «Люблю бываць сярод людзей. Выступаю, здараецца, каля сотні разоў у год. Па пуцёўках камсамола выязджаю ў іншыя гарады. Прыемна атрымліваць запрашэні на сустрэчу, значыць, людзі жадаюць бачыць мяне, чуць. Адным словам, патрэбна я ім. А гэта надае сілы, ды яшчэ якія!»

Автор

Татьяна Толкачева

Татьяна Толкачева

Актуально

1 апреля начальник отдела статистики проведет «горячую линию» по вопросам выплаты зарплаты

В понедельник, 1 апреля, с 8.00 до 17.00 (перерыв с 13.00 до 14.00) начальником отдела статистики Крупского района КАРЕЦКОЙ Еленой Леонидовной будет проводиться «горячая линия» по вопросу несвоевременной выплаты заработной платы. Телефон 8-01796 4-24-86.

30 марта "прямую ли­нию" проведет заместитель председателя райисполкома

В субботу, 30 марта, с 9.00 до 12.00 прямую телефонную ли­нию проведет заместитель председателя Крупского районного исполнительного комитета ГАНЧАР Анатолий Владимирович. Телефон 2-77-47.

В Крупской ЦРБ работает Центр дружественный подросткам «Радуга»

По всем вопросам сохранения репродуктивного здоровья, современной контрацепции, профилактике зависимостей, кожно-венерологических заболеваний, психологической помощи, формирования здорового образа жизни вы получите консультацию специалистов Центра! Помощь может быть оказана анонимно.

График работы: Понедельник-пятница: 8.00-17.00, обед 13.00-14.00. Центр расположен на 2-м этаже лечебного корпуса, кабинет 18. Консультация проводится по предварительной записи по тел. 5-51-11

Please publish modules in offcanvas position.