krupki.by

ru RU be BE en EN


Толькі праца робіць чалавека высакародным і дае прыгажосць яго душы

Автор / Земляки / Четверг, 31 января 2019 11:32 / Просмотров: 1582

Марыя Прохараўна Барабанава Гэтаму меркаванню Марыя Прохараўна Барабанава – ураджэнка і жыхарка вёскі Дакудава – верная ўсё свядомае жыццё. Сёння яна знаходзіцца ў дачкі ў Оршы, куды паехала, як кажуць, на зіму. Але ўсімі думкамі знаходзіцца на малой радзіме, дзе нарадзілася, жыла, працавала, заслужыла павагу і прызнанне не толькі сваіх аднавяскоўцаў, але і ўсёй вялікай краіны.

Забягаючы наперад, хочацца прывесці словы, сказаныя Марыяй Прохараўнай падчас адной з сустрэч у Дакудаве.

– За сваё жыццё я атрымала шмат узнагарод, – гаварыла жанчына. – Але, безумоўна, галоўная для мяне – ордэн Леніна, уручаны 8 красавіка 1971 года. Дарэчы, у гэты ж дзень такую ўзнагароду атрымалі старшыня калгаса «Перамога» Аляксей Захаравіч Ліцвін і цялятніца эксперыментальнай базы «Эса» Ефрасіння Макараўна Стальмаховіч. Тады мне было толькі 37 гадоў. Здавалася, што крылы выраслі за плячыма. Такія ўзнёсласць і натхнёнасць былі, што не расказаць!

Аднак да такога прызнання многае давялося зведаць Марыі Прохараўне. Калі пачалося ваеннае ліхалецце, дзяўчынцы толькі-толькі споўнілася 7 гадоў. Бацька, вярнуўшыся з вайны, паспеў паставіць толькі зруб новага дома, бо да гэтага маці і чацвёра дзяцей жылі ў зямлянцы. Бясспрэчна, усе радаваліся яго вяртанню, але ж вайна ранай прыйшла за ім і пасля Перамогі.

– Мы, дзеці, бачылі, як нялёгка даводзіцца нашай маці, таму па магчымасці дапамагалі, як маглі. Зімой хадзілі ў школу, а ўлетку працавалі ў калгасе. Скідак на ўзрост не было. Трэба было ўзнімаць гаспадарку, і справа знаходзілася для кожнага. Таму да нялёгкай сялянскай працы я прывучылася з дзяцінства, – заўважыла Марыя Прохараўна.

Пасля заканчэння дзесяцігодкі дзяўчына засталася ў Дакудаве – не захацелася ехаць кудысьці з бацькоўскага дома. Адразу працавала ў паляводчай брыгадзе. Тэхнікі было няшмат, таму амаль з усімі сельскагаспадарчымі работамі спраўляліся ўручную: капалі бульбу, убіралі кармавыя буракі, паднімалі і вязалі лён, рассейвалі мінеральныя ўгнаенні.

Ішлі гады. Тут жа, у сваёй вёсцы, Марыя сустрэла трактарыста Мікалая Барабанава, і маладыя людзі пажаніліся. З паляводчай брыгады Марыя перайшла працаваць на мясцовую малочнатаварную ферму. У групе было 17 кароў, і падаіць іх трэба было ўручную.

– А што ж рабіць?! Хуценька справіўшыся па гаспадарцы дома, спяшалася на малочнатаварную ферму, – расказвала яна. – Да пяці гадзін раніцы дойка павінна быць закончана, бо няспрытных пастух чакаць не стане, выганіць статак на пашу. Я і сёння сама здзіўляюся, як удавалася паспяваць усюды ў тэрмін. Але ж маладосць здольна зрабіць усё. Адпрацаваць дзень, а затым яшчэ і весяліцца на вясковых вячорках...

Як успамінае Марыя Прохараўна, добрым стымулам у рабоце было тое, што з кожным годам жыццё наладжвалася, у калгас пачала паступаць тэхніка, ручная работа ўступіла машынам, у доме з’явіўся дастатак. Дастаткова багатыя былі рацыёны кармлення нават у зімова-стойлавы перыяд. Улетку ж жывёла пасвілася па добрым травастоі. Менавіта таму на ферме і атрымлівалі высокія надоі.

Зазначым, што Марыя заўсёды была перадавой даяркай. На калгасных сходах яе ставілі ў прыклад, на стэндах, дзе фіксаваліся вынікі спаборніцтва паміж аператарамі машыннага даення, прозвішча Марыі Барабанавай стаяла ў першым радку. Яе неаднаразова дэлегавалі на злёты перадавікоў жывёлагадоўчай галіны. Яна захоўвае шматлікія ўзнагароды за працу, і галоўная з іх – ордэн Леніна. Варта дадаць, што ў 1971-75 гадах яна была дэпутатам Вярхоўнага Савета БССР.

Малочнатаварную ферму яна пакінула, калі з’явіліся праблемы са здароўем. Аднак, як прызнаецца Марыя Прохараўна, без работы сядзець не магла. І таму, падлячыўшыся, перайшла ў паляводчую брыгаду. З 1978 года Марыя Прохараўна працавала памочнікам брыгадзіра. На заслужаны адпачынак пайшла толькі ў 1992 годзе.

– Я і сёння часта ўспамінаю сваіх калег – Марыю Лукашэвіч, Марыю Голуб, Соф’ю Буднік, Марыю Пятроўскую, Галіну Хадасевіч, Марыю Кручок. Поспехаў мы дабіваліся дзякуючы брыгадзіру МТФ «Дакудава» Мікалаю Крукоўскаму і заатэхнікам Любові Голуб і Валянціне Сідляронак. Наогул, маё жыццё багатае на сустрэчы з вядомымі людзьмі. Асабіста ведала першага сакратара ЦК КП Беларусі Пятра Міронавіча Машэрава, які прылятаў у калгас «Бальшавік» на самалёце, бачыла і старшыню Савета Міністраў БССР Ціхана Якаўлевіча Кісялёва, іншых дзяржаўных дзеячаў. Як бачыце, мне ёсць што расказаць сваім унукам і праўнукам. Задаволена, што і сёння патрэбна людзям, бо да мяне звяртаюцца за парадай і падказкай.

Напрыканцы гутаркі міжволі падумалася: выснова Марыі Прохараўны, што менавіта праца робіць чалавека высакародным і дае прыгажосць яго душы – верная на ўсе 100 працэнтаў!

Автор

admin

admin

  • Район
  • Область

Актуально

Комитет госконтроля проводит интернет-опрос о качестве рассмотрения обращений граждан по вопросам ЖКХ

Комитетом государственного контроля Минской области в период с 01 по 30 июня 2020 г. будет проводиться интернет-опрос с целью изучения мнения граждан о качестве рассмотрения их обращений по вопросам, касающимся сферы ЖКХ, своевременном реагировании на замечания и предложения о совершенствовании работы этой отрасли. В указанный период предлагается жителям региона ответить на вопросы по этой проблематике в разделе «интернет-опросы» на сайте Комитета государственного контроля Республики Беларусь kgk.minobl@mail.belpak.by.

Управление по образованию, спорту и туризму проводит «горячую линию» по организации выпускных экзаменов

С 01.06.2020 по 10.06.2020 с 8.00 до 13.00 и с 14.00 до 17.00 управление по образованию, спорту и туризму Крупского райисполкома проводит «горячую линию» по вопросам организации и проведения выпускных экзаменов по завершении обучения и воспитания на II и ІІІ ступенях общего среднего образования, итоговой аттестации, приема в 1-е классы, организации летнего оздоровления. Контактные телефоны: 5-55-43, 2-72-46, 5-44-88.

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

В Крупском районе работают горячие линии по доставке продуктов и лекарств для пожилых людей

Крупский ТЦСОН соощает, что в связи с необходимостью минимизации посещения мест массового скопления людей и соблюдения мер профилактики граждане, нуждающиеся в доставке продуктов питания, товаров первой необходимости и лекарств, могут обратиться за содействием в организации такой доставки по телефону «горячей линии» 8(01796) 57-3-94.

Также БРСМ продолжает работу горячих телефонных линий для информационной помощи пожилым людям. По желанию пожилых людей активисты союза молодежи помогут им через интернет заказать товары первой необходимости. Молодежная горячая линия работает ежедневно с понедельника по субботу включительно с 9.00 до 18.00. Телефон горячей линии РК ОО «БРСМ» 5-63-31.

Please publish modules in offcanvas position.