krupki.by

ru RU be BE en EN

Васьмікласнікі СШ № 3 горада далучыліся да экалагічнай кампаніі «Абуладкуем малую радзіму»



Васьмікласнікі СШ № 3 горада далучыліся да экалагічнай кампаніі «Абуладкуем малую радзіму»

Автор / Главные новости / Пятница, 30 октября 2020 12:43 / Просмотров: 664

У адзін з сонечных дзён бягучага тыдня Крупская раённая інспекцыя прыродных рэсурсаў і аховы навакольнага асяроддзя і раённы камітэт грамадскага аб’яднання «БРСМ» ініцыіравалі правядзенне акцыі «Чысты бераг».

Начальнік раённай інспекцыі прыродных рэсурсаў і аховы навакольнага асяроддзя Валерый БЯЛАЎСКІ вітае ўдзельнікаў акцыі «Чысты бераг».
Начальнік раённай інспекцыі прыродных рэсурсаў і аховы навакольнага асяроддзя Валерый БЯЛАЎСКІ вітае ўдзельнікаў акцыі «Чысты бераг».

 

 

На ўборку берагавой лініі Крупскага вада­сховішча прыйшлі юныя эколагі сярэдняй школы № 3 г. Крупкі. Вітаючы ўдзельнікаў акцыі, начальнік раённай інспекцыі прыродных рэсурсаў і аховы навакольнага асяроддзя Валерый Бялаўскі адзначыў:

– Па ўсім бачна, што вы любіце прыроду. Аднак яе трэба не толькі любіць, але берагчы і абараняць. Вось і сённяшняя акцыя, у якой вы прымаеце ўдзел, заклікана прыцягнуць увагу да праблемы забруджвання вадаёмаў. Наша задача – навесці належны парадак вакол Крупскага вадасховішча. Клопат аб яго чысціні ўвахо­дзіць у агульную сістэму аховы прыроды. І вельмі крыўдна, што даводзіцца прыбіраць тое, што насмецілі дарослыя людзі.

Далей Валерый Бялаўскі правёў міні-віктарыну – ён задаваў пытанні, а школьнікі адказвалі на іх. У прыватнасці, яны называлі рэкі і азёры, якія ёсць на Крупшчыне, рыбу, што водзіцца ў нашых вадаёмах, нагадалі самыя вялікія рэкі і азёры Беларусі.

А затым экаактывісты ўзяліся за справу. Ідучы ўздоўж берага, пачынаючы ад маста ля аўтадарогі Мінск-Масква, яны падбіралі пластыкавыя бутэлькі, упакоўкі ад чыпсаў, пачкі з-пад сокаў, бляшанкі, абгорткі ад цукерак, пакеты і паперу. Сабранае па ходу смецце выкідвалася ў кантэйнеры, абсталяваныя на беразе возера.

І тут хочацца зрабіць акцэнт на тым, што людзі, якія адпачывалі на ўзбярэжжы, лавілі рыбу ці проста ішлі ўздоўж, і самі маглі выкінуць тое, што непатрэбна, у спецыяльна адведзеныя месцы, якіх там дастаткова. 

Канчатковы пункт акцыі – так званыя «гарбатыя» масткі.

– Прыемна бачыць, што юных эколагаў аб’ядноўваюць неабыякавасць да прыроды і жаданне сваімі рукамі зрабіць свет вакол лепшым, – гаварыла першы сакратар райкама ГА «БРСМ» Алена Дубава. – Мы заўсёды падтрымліваем такіх актывістаў, прадастаўляем ім гумавыя пальчаткі і пакеты, імкнемся натхніць словам, дапамагчы справай.

Арганізатары акцыі лічаць, што хаця месячнік па навядзенні парадку на зямлі, добраўпарадкаванні і азеляненні тэрыторый, які па традыцыі праходзіць у кастрычніку, заканчваецца, уборку можна і трэба праводзіць да таго часу, пакуль дазваляе надвор’е.

І тут да месца будзе прывесці ўсім знаёмае выслоўе пра тое, што чыста не там, дзе прыбіраюць, а там, дзе не смецяць. І сапраўдны парадак будзе не тады, калі будуць бясконцыя ўборкі, а тады, калі людзі перастануць брудзіць.

Автор

Татьяна Толкачева

Татьяна Толкачева

Актуально

25 января пройдет "прямая линия" с начальником отдела кадров и профессиональной подготовки Минской региональной таможни

25 января 2021 с 10.00 до 11.00 в Минской региональной таможне состоится прямая телефонная линия при участии начальника отдела кадров и профессиональной подготовки Татьяны Георгиевны Алекшкевич на тему: «Вопросы, связанные с поступлением на службу в таможенные органы». Получить ответы на интересующие вопросы в рамках данной темы можно по телефону: 8-017-218-95-25.

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

Please publish modules in offcanvas position.