krupki.by

ru RU be BE en EN

Крупчанам прапанавалі даследаваць ненадрукаваныя творы Адама Багдановіча



Крупчанам прапанавалі даследаваць ненадрукаваныя творы Адама Багдановіча

Автор / Общество / Вторник, 24 мая 2022 17:00 / Просмотров: 403

Бо яшчэ шмат нязведанага ў літаратурнай спадчыне нашага славутага земляка. Этнічныя кнігі захоўваюцца ў фондах Літаратурнага музея Максіма Багдановіча.

У Крупскай мастацкай галерэі імя Барыса Аракчэева адбыўся навукова-практычны семінар «Ля вытокаў беларусазнаўства», прысвечаны 160-годдзю з дня нараджэння Адама Багдановіча. Удзел прымалі навуковыя супрацоўнікі Нацыянальнай акадэміі навук, Літаратурнага музея Максіма Багдановіча, настаўнікі беларускай мовы і літаратуры Крупшчыны. Зазірнулі ў генеалагічнае дрэва Максіма Багдановіча па лініі бацькі. З вышыні XXI стагоддзя паглядзелі на дасягненні Адама Багдановіча. Правялі паралелі сучаснай міфалагічнай прозы з даследаваннямі старажытнага светасузірання Адама Ягоравіча. З прэзентацыяй даследчай працы «Жывая мова казак Адама Багдановіча» выступіў вучань Халопеніцкай сярэдняй школы імя М. Багдановіча Аляксей Осіпаў. Навукоўцы высока ацанілі ўклад Аляксея ў захаванне літаратурнай і гістарычнай спадчыны, якая адлюстроўвае мясцовы каларыт, самабытнасць і багацце роднай мовы.  Яму за гэта – Ганаровая грамата.   

Творчасць вядомага земляка – шматгранная і непаўторная, але яшчэ шмат непазнанага. Таму загадчык сектара ўліку фонду Максіма Багдановіча Літаратурнага музея Алена Кніга запрасіла ўдзельнікаў імпрэзы ў фонды музея:

– Прапануем вам пазнаёміцца з ненадрукаванымі творамі Адама Ягоравіча, паспрабаваць іх расчытаць і правесці даследчую працу.

Навуковыя супрацоўнікі адзначылі сімвалічнасць імпрэзы, што праходзіла сярод карцін мастака Барыса Аракчэева.

– На некаторых палотнах Барыса Аракчэева адлюстравана Яраслаўшчына, – казала вядучы навуковы супрацоўнік навукова-асветніцкага аддзела Літаратурнага музея Ірына Мышкавец. – З гэтым горадам звязана жыццё бацькі і сына, асноўная літаратурная дзейнасць Максіма. Праз гады мы яскрава адчуваем узаемасувязь мастацтва і літаратуры. Мы бачым, што знаёмства мастака і пісьменнікаў адбываецца і пасля жыцця. А гэта значыць, што яны вечныя.

Іна ГАРА.

Автор

admin

admin

Актуально

В Крупской ЦРБ можно вакцинироваться от коронавируса

С начала вакцинации в Крупской ЦРБ работает кабинет иммунопрофилактики № 420 с 8.00 до 20.00, в субботу – с 8.00 до 14.00 Предварительная запись по телефонам: 5-52-72, 5-44-68.

Please publish modules in offcanvas position.