З 31 жніўня па 1 верасня пройдуць фестывалі кнігі і прэсы, падагульляльны этап рэспубліканскага конкурсу юных чытальнікаў «Жывая класіка». Сярод ключавых мерапрыемстваў у Жыровічах пройдзе круглы стол «Мастацкая літаратура як шлях адзін да аднаго». Нагадаем, што круглы стол – даўняя традыцыя, якая бярэ свой пачатак з 2007 года. Арганізатарамі праекта штогод выступаюць Міністэрства інфармацыі, Выдавецкі дом «Звязда», выдавецтва «Мастацкая літаратура» і Саюз пісьменнікаў Беларусі.
Ужо вядома, што ўдзел у сустрэчы паэтаў, празаікаў, публіцыстаў, літаратуразнаўцаў, крытыкаў, перакладчыкаў прымуць літаратуры з Азербайджана, Вялікабрытаніі, Грузіі, Індыі, Казахстана, Кітая, Літвы, Малдовы, Польшчы, Расіі, Сербіі, Узбекістана, Украіны. Шмат хто з гасцей не ўпершыню прыязджае ў Беларусь.
Публіцыст, літаратуразнавец, краязнавец, перакладчык Глеб Кудрашоў з Палтавы (Украіна) шмат асабіста робіць для ўмацавання беларуска-ўкраінскіх літаратурных, культурных, увогуле гуманітарных сувязяў. Не меней актыўней у сваёй увазе да беларускай літаратуры з’яўляецца празаік, перакладчык з Узбекістана Рысалат Хайдарава. Дзякучы яе намаганням у далёкай ад Беларусі цэнтральнаазіяцкай краіне з’яўляюцца ўсё новыя і новыя публікацыі твораў беларускіх пісьменнікаў у перакладзе на беларускую мову.
Сталым удзельнікам круглых сталоў у рамках Дня беларускага пісьменства з’яўляецца дзіцячы пісьменнік з Літвы Яронімас Лаўцюс. Часопіс «Зорачка», які ён рэдагуе ў Вільнюсе, не аднойчы аддаваў свае старонкі беларускай дзіцячай літаратуры. Па традыцыі прыязджае вялікая дэлегацыя з Казахстана. У Беларусі і Казахстана ў апошнія гады з’явілася шмат пунктаў судакранання ў частцы арганізацыі беларуска-казахскіх літаратурных сувязяў. За апошнія дзесяць-пятнаццаць гадоў многія казахскія пісьменнікі пабывалі ў Мінску, у розных гарадах Беларусі. Што адметна, сустрэчы, дыялогі, дыскусіі, якія адбываюцца на пляцоўцы круглага стала «Мастацкая літаратура як шлях адзін да аднаго», становяцца своеасаблівай дарогай для наладжвання сувязяў казахстанскіх і беларускіх літаратуразнаўцаў.