Улічваючы гэту акалічнасць, у краіне працуюць інстытуты па землеўпарадкаванні. У прыватнасці, у нашым раёне пытаннямі ўліку ўсіх земляў, аналізам іх выкарыстання па мэтавым прызначэнні займаецца землеўпарадкавальная служба Крупскага райвыканкама. Наша сённяшняя размова напярэдадні прафесійнага свята з яе начальнікам Таццянай БАГДАНАВАЙ аб тым, як правільна выкарыстоўваць зямельныя ўчасткі.

– Таццяна Мікалаеўна, раскажыце, калі ласка, што такое мэтавае прызначэнне зямельнага ўчастка і кім яно ўстанаўліваецца?

– Артыкулам 1 Кодэкса Рэспублікі Беларусь аб зямлі прадугледжана, што мэтавае прызначэнне зямельнага ўчастка – гэта ўстаноўленыя рашэннем аб адабранні і прадастаўленні зямельнага ўчастка парадак, умовы і абмежаванні выкарыстання зямельнага ўчастка для канкрэтных мэт.

– Падкажыце, а куды трэба звяртацца грамадзяніну з заявай аб прадастаўленні яму зямельнага ўчастка?

– Адказ кароткі. У адпаведнасці з заканадаўствам аб ахове і выкарыстанні земляў за прадастаўленнем зямельнага ўчастка грамадзянін звяртаецца ў мясцовы выканаўчы камітэт па месцы знаходжання гэтага ўчастка.

– У якіх памерах прадастаўляюцца зямельныя ўчасткі грамадзянам для будаўніцтва і абслугоўвання жылога дома?

– Згодна часткі першай артыкула 36 Кодэкса памер зямельнага ўчастка, прадастаўляемага грамадзянам для будаўніцтва і абслугоўвання жылога дома ўстанаўліваецца ў наступных памерах: у гарадах – ад 0,05 да 0,15 гектара ўключна; у сельскіх населеных пунктах, пасёлках гарадскога тыпу – ад 0,15 да 0,25 гектара ўключна.

Памеры зямельных участкаў, прадастаўляемых для будаўніцтва і абслугоўвання жылых дамоў у населеных пунктах, размешчаных у прыгарадных зонах г. Мінска, абласных цэнтраў і гарадоў абласнога падпарадкавання, устанаўліваюцца ад 0,1 да 0,15 гектара ўключна. Памеры зямельных участкаў, якія знаходзіліся ў карыстанні грамадзян, індывідуальных прадпрымальнікаў або юрыдычных асоб да 1 студзеня 2008 года і якія прадастаўляліся для абслугоўвання жылых дамоў, кватэр у блакіраваных жылых дамах (пры захаванні ўмоў, устаноўленых заканадаўствам), ва ўказаных населеных пунктах устанаўліваюцца ад 0,15 да 0,25 гектара ўключна (частка другая артыкула 36 Кодэкса).

– Таццяна Мікалаеўна, такое пытанне: ці магчыма пабудаваць другі жылы дом на зямельным участку, прадастаўленым для будаўніцтва і абслугоўвання жылога дома?

– Мэтавае выкарыстанне дадзенага зямельнага ўчастка дапускае ўзвядзенне на ім толькі аднаго жылога дома. Магчыма ўзвядзенне на ім па рашэнні мясцовага выканаўчага камітэта іншых пабудоў, якія з’яўляюцца прыналежнасцю гэтага жылога дома.

– А цяпер раскажыце аб тым, у якіх памерах прадастаўляюцца зямельныя ўчасткі грамадзянам для абслугоўвання зарэгістраванай кватэры ў блакіраваным жылым доме?

– Памер зямельнага ўчастка, які прадастаўляецца грамадзянам для абслугоўвання зарэгістраванай арганізацыяй па дзяржаўнай рэгістрацыі нерухомай маёмасці, правоў на яе і здзелак з ёй кватэры ў блакіраваным жылым доме, аддзеленай ад іншых кватэр вертыкальнай сцяной і размешчанай непасрэдна на зямельным участку, аналагічны ўказанаму ў частцы першай артыкула 36 Кодэкса.

– Вось тут узнікае пытанне: як павінен выкарыстоўвацца зямельны ўчастак, прадастаўлены грамадзяніну для абслугоўвання зарэгістраванай кватэры ў блакіраваным жылым доме?

– Выкарыстанне такога зямельнага ўчастка па мэтавым прызначэнні дапускае прадастаўленне яго толькі для абслугоўвання зарэгістраванай арганізацыяй па дзяржаўнай рэгістрацыі нерухомай маёмасці, правоў на яе і здзелак з ёй адной кватэры ў блакіраваным жылым доме. На даным зямельным участку таксама магчыма ўзвядзенне па рашэнні мясцовага выканаўчага камітэта пабудоў, якія з’яўляюцца прыналежнасцю гэтай кватэры.

– І яшчэ. У якіх памерах і каму прадастаўляюцца зямельныя ўчасткі для вядзення асабістай падсобнай гаспадаркі?

– У адпаведнасці з часткай першай артыкула 2 Закона Рэспублікі Беларусь ад 11 лістапада 2002 года «Аб асабістых падсобных гаспадарках грамадзян» асабістая падсобная гаспадарка грамадзян – гэта форма гаспадарча-працоўнай дзейнасці грамадзян па вытворчасці сельскагаспадарчай прадукцыі, заснаваная на выкарыстанні зямельных участкаў, якія прадастаўляюцца для гэтых мэт у адпаведнасці з заканадаўствам Рэспублікі Беларусь аб ахове і выкарыстанні земляў.

Памер зямельных участкаў для вядзення асабістай падсобнай гаспадаркі, прадастаўляемых грамадзяніну Рэспублікі Беларусь у сельскім населеным пункце, пасёлку гарадскога тыпу, у якім ён зарэгістраваны, або прадастаўляемых у іншым населеным пункце, размешчаным на тэрыторыі адпаведнага сельсавета, не можа перавышаць 1 гектара, а прадастаўляемых у арэнду – 4 гектараў з улікам памеру зямельнага ўчастка, прадастаўленага на тэрыторыі адпаведнага сельсавета для будаўніцтва і абслугоўвання жылога дома, абслугоўвання зарэгістраванай кватэры ў блакіраваным жылым доме. Дадаткова да такіх зямельных участкаў у гэтых населеных пунктах у арэнду могуць прадастаўляцца зямельныя ўчасткі, памер якіх не можа перавышаць 3 гектараў (згодна часткі трэцяй артыкула 36 Кодэкса).

– Скажыце, Таццяна Мікалаеўна, кім устанаўліваецца канкрэтны памер зямельнага ўчастка і ці можа зямельны ўчастак прадастаўляцца менш мінімальнага памеру?

– Часткай восьмай артыкула 36 Кодэкса вызначана, што канкрэтны памер зямельнага ўчастка, прадастаўляемага для мэт, указаных вышэй, устанаўліваецца мясцовым выканаўчым камітэтам, які прадастаўляе зямельны ўчастак, у адпаведнасці з яго кампетэнцыяй, прадугледжанай Кодэксам і іншымі актамі заканадаўства, у залежнасці ад мясцовых умоў і асаблівасцяў, волевыяўлення асобы, якой ён прадастаўляецца, а таксама з захаваннем горадабудаўнічых рэгламентаў, прыродаахоўных патрабаванняў, супрацьпажарных, санітарных, будаўнічых і іншых норм і правілаў. Прадастаўленне зямельнага ўчастка менш мінімальнага памеру, устаноўленага даным артыкулам, можа ажыццяўляцца толькі са згоды асобы, якой ён прадастаўляецца.

– Упэўнена, што гэта не ўсе пытанні, якія хвалююць крупчан. Мяркую, што ў далейшым мы раскажам яшчэ аб многіх іншых. З прафесійным святам усіх вас!