У раёне скончылася жніво. Палеткі ўбраны, збожжа ў засеках – самы час для працоўнага свята. «Дажынкі» сёлета пройдуць у ААТ «Кляновічы» ў апошні дзень жніўня. Яны стануць святочным акцэнтам нялёгкай працы, якую шчыра і аддана зрабілі людзі, што сапраўды разумеюць сутнасць адносін да зямлі-карміцелькі.На «Дажынках» будуць ушаноўваць тых, хто вырошчваў і ўбіраў збожжа. Ім – першы каравай сёлетняга ўраджаю, шчырыя словы віншавання і ўзнагароды. А таксама па старадаўняй традыцыі людзі будуць дзякаваць хлебнай ніве, што ўрадзіла хлеб – аснову нашага жыцця.
А для таго, каб загадзя стварыць атмасферу свята, па аўтатрасе М-1 устанавілі сімпатычныя кампазіцыі, зробленыя з саламяных рулонаў. З ідэямі і іх увасабленнем пастараліся ў ААТ «МайскаеАгра», «Крупскі райаграсервіс», «Кляновічы» і сельгасфіліяле «Шчаўры» ААТ «Здравушка-мілк».
Кампазіцыі адразу ж сталі не толькі прывабнымі атрыбутамі маючага адбыцца свята, але і своеасаблівымі фотазонамі. Праязджаючы па аўтатрасе, мы неаднаразова бачылі, як ля іх спыняліся машыны, у тым ліку і з замежнымі нумарамі, людзі фатаграфаваліся і рабілі сэлфі. А гэта значыць, што і яны датыкнуліся да старадаўніх традыцый, што спрадвеку шанавалі і шануюць працу на зямлі.
Во вторник, 8 июля, с 9.00 до 10.00 состоится прямая телефонная линия с главным врачом УЗ «Крупская ЦРБ» ЛЕОНОВИЧ Екатериной Михайловной. 
