Наведвальнікі могуць убачыць самыя розныя экспанаты: сцяг раённага камітэта партыі, ілюстрацыі, значкі, вымпелы пераможцаў сацыялістычнага спаборніцтва, паштоўкі, якія дасылаліся да свята Вялікага Кастрычніка, і многае іншае.
А ўжо з 14 лістапада ў музеі адкрываецца фотаэкспазіцыя праекта добра вядомага крупчанам фатографа Канстанціна Мельніка «Першыя крокі ў мастацкай гімнастыцы». Гэта выстава прысвечана дзецям, якія пачынаюць сваё спартыўнае жыццё ў нялёгкім віду спорту – мастацкай гімнастыцы.
