Да перадсвяточных і святочных дзён Новага года і Нараджэння Хрыстова гандлёвыя прадпрыемствы раёна падрыхтавалі пакупнікам мноства прыемных сюрпрызаў. У прыватнасці, для пакупнікоў прадуктаў харчавання ў магазінах «Родны кут» № 12 і № 14 дзейнічае наступная цікавая прапанова. Падчас акцыі, якая праходзіць з 1 па 25 снежня, кожны пакупнік можа атрымаць падарунак. Пры прадастаўленні сумы чэкаў з аднаго гандлёвага аб’екта за дадзены перыяд у аб’ёме: ад 1 млн да 2 млн рублёў – падарунак на суму 80 тысяч рублёў; ад 2 млн да 3 млн рублёў – падарунак на суму 180 тыс. рублёў; ад 3 млн рублёў і больш – падарунак да 250 тыс. рублёў.
У суботу, 19 снежня, пройдзе Дзень скідак. Скідкі 15% з рознічнага кошту на ўсе нехарчовыя тавары, набытыя за наяўны разлік. Тавары можна будзе набыць у наступных гандлёвых прадпрыемствах раённага спажывецкага таварыства: «Універмаг» г. Крупкі, «Мечта» г.п. Халопенічы, «Купалінка» аграгарадка Ухвала, «Гаспадарчыя тавары» г. Крупкі і г.п. Халопенічы, «Детский мир» г. Крупкі.
Варта назваць і акцыю «Ноч падарункаў», якая пройдзе 20 снежня ва ўнівермазе г. Крупкі. У гэту ноч тут таксама будзе дзейнічаць скідка на ўвесь рэалізуемы асартымент тавараў і падоўжыцца рэжым работы ў вячэрні час. Сачыце за рэкламай ва ўнівермазе.
Паклапацілася раённае спажывецкае таварыства і аб жыхарах сяла. У кожным з сямі аўтамагазінаў спажыўкааперацыі вывешаны прайс-ліст з 40-50 пазіцый навагодняга асартыменту – пакупнікі могуць заказаць да святочнага стала гарошак, масліны, кукурузу ў бляшанках, далікатэсную рыбу, торты, кандытарскія вырабы, рулеты з начынкамі, шампанскае і многае іншае. І ўсё гэта ім абавязкова прывязуць.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
