У Крупскай мастацкай галерэі імя Б. Аракчэева адбылося адкрыццё выставы “Мастацкая Каласіяна”.
У экспазіцыі – серыя прыжыццёвых замалёвак з выявамі паэта беларускага мастака-графіка Сямёна Геруса, які неаднойчы сустракаўся з Якубам Коласам, рабіў замалёўкі паэта, эскізы партрэтаў. Некаторыя з іх былі зроблены ў апошнія месяцы жыцця пісьменніка.
Працы з калекцыі Дзяржаўнага літаратурна-мемарыяльнага музея Якуба Коласа пабывалі ў розных кутках краіны і за яе межамі, а зараз “Колас” гасцюе ў Крупках. Дарэчы, Васіліна Міцкевіч працуе галоўным захавальнікам фондаў музея, яна цікава распавядала пра свайго знакамітага продка.
