На вуліцах — майстар-класы, інтэрактыўныя пляцоўкі, выстаўкі і прэзентацыі ад народных умельцаў, бібліятэк, музеяў, дамоў рамёстваў. Тут можна і паназіраць, і паўдзельнічаць — ад творчага працэсу да знаёмства з цікавымі праектамі.
Яркія выступленні даруюць калектывы дзіцячых школ мастацтваў. Кожны куток фестывалю дыхае творчасцю, таму сумаваць дакладна не давядзецца.
Для спецыялістаў сферы культуры гэта яшчэ і прафесійная сустрэча: Нацыянальны фестываль беларускай песні і паэзіі традыцыйна выступае пляцоўкай для абмену ідэямі. Удзельнікі прыязджаюць не толькі паказаць свае дасягненні, але і адшукаць новае натхненне — тое, што абавязкова знойдзе адлюстраванне ў іх далейшай творчай працы.
