За гэтымі лічбамі – мінулае, сённяшняе і будучае нашай рэспублікі, лёсы людзей. Бо менавіта статыстыка дакладна ведае, колькі прадукцыі, выпушчанай прадпрыемствамі, пайшло на экспарт, на ўнутраны рынак і колькі чакае сваёй чаргі на складах. Статыстыка мае дакладнае ўяўленне аб дасягненнях кожнай галіны гаспадаркі і ў цэлым аб дабрабыце краіны.Як адзначае начальнік аддзела статыстыкі Крупскага раёна Алена Карэцкая, у сферу іх дзейнасці ўваходзіць збор статыстычнай справаздачнасці ад рэспандэнтаў – арганізацый, прадпрыемстваў, устаноў горада і раёна, індывідуальных прадпрымальнікаў. Супрацоўнікам даводзіцца пастаянна мець справу з вялікай масай інфармацыі: збіраць дадзеныя, сістэматызаваць і ўпарадкоўваць іх, даваць колькасную ацэнку з’явам, адсочваць тэндэнцыі.
Асноўнымі прынцыпамі работы калектыву з’яўляюцца забеспячэнне даставернасці, аб’ектыўнасці і аператыўнасці статыстычнай інфармацыі, якая павінна адлюстроўваць рэальную сітуацыю ў эканоміцы і сацыяльнай сферы. А, як вядома, аб’ектыўнасць і якасць такой інфармацыі залежыць ад даставернасці справаздачных дадзеных, што прадстаўляюць органам дзяржстатыстыкі прадпрыемствы і арганізацыі, якіх разам са структурнымі падраздзяленнямі больш трохсот.
Напярэдадні прафесійнага свята супрацоўнікі і ветэраны працы, а такіх у аддзеле 9 чалавек, атрымліваюць віншавальныя паштоўкі з самымі найлепшымі пажаданнямі, якія ім адрасуе галоўнае статыстычнае ўпраўленне Мінскай вобласці.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
