На працягу верасня супрацоўнікі банка арганізоўваюць спецыяльныя мерапрыемствы для вучняў пятых класаў, дзе ў забаўляльнай форме знаёмяць юных грамадзян з базавымі ведамі са свету фінансаў. На Крупшчыне супрацоўнікі адкрытага акцыянернага таварыства «Белаграпрамбанк» ужо наведалі амаль усе навучальныя ўстановы, дзе былі праведзены ўрокі фінансавай адукаванасці. Кожны вучань атрымаў кнігу з апавяданнямі на фінансавую тэматыку на беларускай мове. Дзеці даведаліся, для чаго патрэбны банкаматы, інфакіёскі, а таксама, чаму людзі захоўваюць грошы ў банках і шмат іншага.
– Гэтаму праекту Белаграпрамбанка ўжо чатыры гады, – расказвае начальнік аддзела рознічных прадаж ЦБУ № 525 у г. Крупкі Рэгіянальнай дырэкцыі па Мінскай вобласці ААТ «Белаграпрамбанк» Генадзь Кулевіч. – З яго дапамогай мы хочам паказаць, што банк адкрыты для падрастаючага пакалення і гатовы дапамагчы ў засваенні фінансавай навукі. А для таго, каб гэты працэс быў для дзетак цікавым і карысным, выпушчана кніга, якая так і называецца «Твае першыя фінансы». Яна напісана ў займальнай форме, маляўніча праілюстравана, тут шмат чаго для сябе можа знайсці нават і дарослы чалавек.
Да канца першага навучальнага месяца пазнавальныя падарункі ад Белаграпрамбанка атрымаюць усе 245 вучняў пятых класаў Крупшчыны.
В среду, 9 июля, в 15.00 в аг. Гапоновичи Крупского сельсовета, возле ФАПа встречу с населением проведет заместитель председателя Крупского райисполкома Юлия Комарова
