У першыя выхадныя кастрычніка арнітолагі і аматары ўдзельнічалі ў традыцыйным назіранні за пералётнымі птушкамі. Напярэдадні гэтай акцыі мы звязаліся з членам Барысаўскага раённага аддзялення грамадскай арганізацыі «Ахова птушак Бацькаўшчыны» Сямёнам Левым і папрасілі ў далейшым падзяліцца ўражаннямі аб тым, як праходзіла назіранне за птушкамі ў Барысаве.Пляцоўка для назірання тут працавала на пешаходным мосце тры гадзіны. За гэты час удалося ўбачыць прадстаўнікоў 15 відаў птушак.
– Адразу заўважу, што акцыя праходзіла ў рамках Еўрапейскіх дзён назірання за птушкамі EuroBirdwatch-2017, якую праводзіла грамадская арганізацыя «Ахова птушак Бацькаўшчыны», – заўважыў Сямён Левый. – І нам удалося ўбачыць чырку-свістунка – самую маленькую дзікую качку ў краіне. Пэўна, гэта самы цікавы аб’ект – качка-свіязь. Мы бачылі тры асобіны. Бачылі таксама стаю белалобых гусей, прыкладна трыццаць птушак. Астатнія віды птушак больш звычайныя. Самыя распаўсюджаныя – гэта вялікая сініца, шэрая варона і сарока і качка-крыжанка.
Далей Сямён Левый расказаў, што ў акцыі ўдзельнічалі каля 60 чалавек, большасць – школьнікі, многія з іх займаюцца ў Цэнтры экалогіі і турызму. Але былі і дарослыя, якія захапіліся такім распаўсюджаным у еўрапейскіх краінах хобі, як «бёрдвотчынг» – назіранне за птушкамі.
Birdwatchinq – аматарская арніталогія, назіранне і вывучэнне птушак няўзброеным вокам альбо пры дапамозе бінокля. Акрамя візуальнага назірання такая дзейнасць уключае праслухоўванне спеваў птушак, паколькі многія віды птушак бывае лягчэй распазнаць па выдаваемых імі гуках.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
