У справаздачным дакладзе сакратар Крупскай раённай арганізацыі КПБ Алена Ліхолап адзначыла, што толькі дакладна вывераны курс, належная прапрацоўка ідэйна-тэарэтычных палажэнняў, актыўная і мэтанакіраваная растлумачальная работа праграмных мэт і задач сярод грамадзян, арганізаванасць і з’яднанасць партыйных радоў стваралі і будуць нарошчваць аўтарытэт партыі, дазволяць дабівацца поспехаў у яе справах і пачынаннях.

– Наша партыя абавязана ў сучасных умовах адэкватна рэагаваць на падзеі і з’явы жыцця, прадугледжваць іх развіццё, дабівацца дзейсных рэзультатаў у забеспячэнні захавання грамадска-палітычнай стабільнасці і станоўчай дынамікі развіцця беларускага грамадства, – гаварыла Алена Браніславаўна. – Пры строгім захаванні дзеючага заканадаўства і статутных норм унутрыпартыйнага жыцця камуністы павінны выступаць як магутная і дынамічная палітычная сіла, якая мае ўзважаную, навукова абгрунтаваную праграму сваіх дзеянняў. Менавіта на гэта і павінны быць накіраваны намаганні партыйнага актыву.

У дакладзе адзначалася, што раённая арганізацыя Камуністычнай партыі Беларусі аператыўна рэагуе на палітычныя падзеі ў краіне, на пастановы вышэйстаячых партыйных органаў, своечасова выпрацоўвае меры па іх рэалізацыі ў межах свайго маштабу дзейнасці, адказна адносіцца да выканання ўласных рашэнняў. У большасці камуністаў арганізацыі ёсць пастаянныя партыйныя даручэнні, у асобных – часовыя, але ніхто не стаіць у баку ад партыйных спраў. Для партыйнага калектыву стала правілам не абмяжоўвацца добрымі пажаданнямі, а без адкладу ставіць намеры на практычную аснову.

– Наша арганізацыя па-дзелавому клапоціцца аб выхаваўчай рабоце з моладдзю, – працягвала Алена Ліхолап. – Выказваючы пажаданне арганізаваць мерапрыемствы героіка-патрыятычнай накіраванасці, настаўнікі-камуністы напярэдадні Дня Вялікай Перамогі правялі ўрокі мужнасці, якія прайшлі на высокім узроўні. Камуністы ўдзельнічаюць у рабоце пасяджэнняў клуба «Малады спецыяліст», конкурсах, акцыях, мерапрыемствах, накіраваных на прафілактыку здаровага ладу жыцця. Мы цесна супрацоўнічаем з грамадскімі арганізацыямі: раённым саветам ветэранаў, раённымі арганізацыямі ГА «Белая Русь» і «БРСМ», раённай арганізацыяй ветэранаў вайны ў Афганістане. 

Далей гаварылася аб тым, што раённая арганізацыя КПБ заўсёды разглядвала свой удзел у выбарчай кампаніі як адну з важнейшых грамадска-палітычных задач. І з такой пазіцыяй нельга не пагадзіцца, паколькі падрыхтоўка да выбараў любога ўзроўню і ўдзел у іх палітычнай партыі з’яўляецца сур’ёзным экзаменам, праверкай баявітасці партыйных арганізацый і выбарнага партактыву. У ходзе выбарчай кампаніі асабліва праяўляецца ўзровень аўтарытэту сярод суайчыннікаў, ступень даверу выбаршчыкаў да праграмных палажэнняў любой партыі.

– Простыя, даступныя і зразумелыя мэты Камуністычнай партыі Беларусі – народаўладдзе і справядлівасць – павінны знаходзіць сваё месца ў сэрцах і розумах людзей, – сказала напрыканцы выступлення Алена Ліхолап.

Пасля справаздачы рэвізійнай камісіі, якую зрабіла яе старшыня Марына Ярмольчык, іх абмеркавання і прыняцця пастановы прысутныя на сходзе перайшлі да пытання абрання сакратара Крупскай раённай арганізацыі КПБ. У ходзе галасавання на гэту пасаду была вылучана кандыдатура Таццяны Мельнік. І гэта кандыдатура была адобрана ўсімі прысутнымі камуністамі. Ад імя ўдзельнікаў сходу Алена Ліхолап павіншавала Таццяну Мельнік з абраннем яе сакратаром раённай арганізацыі Камуністычнай партыі Беларусі.

Р.S. Напярэдадні ў Маладзечна адбылося ўрачыстае пасяджэнне, прысвечанае 100-годдзю Кастрычніцкай рэвалюцыі. І Алена Ліхолап, якая на гэтай грамадскай рабоце адпрацавала 10 гадоў, у ліку іншых актывістаў атрымала юбілейны медаль.