Рэалізацыя праекта «Сустрэчы для душы», над якім працуе раённы савет педагогаў-ветэранаў ужо трэці год, у чарговы раз адбылася ў раённай бібліятэцы імя Янкі Купалы і Крупскай мастацкай галерэі імя Барыса Аракчэева.Гасцей бібліятэкі вітала яе дырэктар Наталля Купрыянава. Ветэраны педагагічнай працы прайшліся па ўтульных залах, пазнаёміліся з новымі выставамі. Па ўсім было бачна, што вялікае маральнае задавальненне яны атрымалі каля з густам аформленых стэндаў «Край мой родны – Крупшчына», «Успамінаем карані свае», «Жывуць са мной побач землякі», «Крупшчына літаратурная». Зацікавіла іх і прэзентацыя «Гісторыя станаўлення бібліятэкі».
Радасцю напоўніліся сэрцы педагогаў, калі яны гарталі падшыўкі раённай газеты, пачынаючы з 60-х гадоў. Некаторыя пазнавалі сябе на фотаздымках, змешчаных у свой час у газеце, убачылі сваіх сяброў, знаёмых. Больш таго, многія знайшлі апублікаваныя замалёўкі і артыкулы, якія яны пісалі самі.
Педагогі-ветэраны доўга вялі размову з супрацоўнікамі бібліятэкі, задавалі пытанні, накшталт, як часта бібліятэку наведвае моладзь, як папулярызуецца сёння сучасная беларуская літаратура, якія навінкі паступілі апошнім часам і інш. Гутарка ішла і пра тое, з якіх гадоў трэба прывіваць чытацкі інтарэс у дзяцей, якія кнігі іх цікавяць больш за ўсё. Адчувалася, што для педагогаў-ветэранаў кніга – лепшы сябар і дарадчык.
Ад імя ўсіх прысутных старшыня ветэранскай арганізацыі педагогаў Валянціна Скваркоўская шчыра падзякавала супрацоўнікам бібліятэкі за цёплы прыём. Затым педагогі-ветэраны пайшлі ў мастацкую галерэю горада на сустрэчу з вядомым мастаком Аксанай Аракчэевай, якая ў гэты дзень прадстаўляла сваю выставу. І тут яны не заставаліся абыякавымі, задавалі пытанні Аксане Барысаўне, цікавіліся яе планамі на будучае.
Напрыканцы ўсе аднадушна адзначылі, што мерапрыемствы прайшлі ў атмасферы дружалюбнасці, а дзень – з вялікай карысцю для іх.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
