– Падводныя паляўнічыя прыцягваліся да адміністрацыйнай адказнасці ў асноўным за рыбалоўства ў цёмны час сутак з дапамогай асвятляльных прыбораў, што забаронена Правіламі вядзення рыбалоўнай гаспадаркі і рыбалоўства, -- расказваў намеснік начальніка Барысаўскай міжраённай інспекцыі аховы жывёльнага і расліннага свету Андрэй Арленка. – Падводнікаў-парушальнікаў затрымлівалі на возеры Сялява Крупскага раёна, на рацэ Бярэзіна, а таксама на больш мелкіх вадаёмах. Часта яны палявалі яшчэ і ў забароненых месцах, якім з’яўляецца рака Гайна ў рысе Барысаўскага раёна. Апошнія з затрыманых займаліся паляваннем на рацэ Бярэзіна паблізу вёскі Брылі Барысаўскага раёна, не з’яўляючыся членамі Беларускага таварыства паляўнічых і рыбаловаў, г.зн. не маючы права займацца такім відам аматарскага рыбалоўства. Даныя грамадзяне былі прыцягнуты судом да адказнасці ў выглядзе штрафу ў памеры 20 базавых велічынь з канфіскацыяй рыштунку. А падводнаму паляўнічаму, які здабыў 1 асобіну шчупака без належнага на тое дазволу, прыйшлося пакрыць нанесены навакольнаму асяроддзю ўрон у памеры 540 000 рублёў, або 3 базавыя велічыні.

Да месца адзначыць, што падводнае паляванне з прымяненнем асвятляльных прыбораў і дыхальных апаратаў забаронена ў многіх краінах Еўропы. Больш таго, па правілах нашых суседзяў прыбалтаў падводны паляўнічы павінен абазначыць сябе буйком яркага колеру, які ўказваў бы яго месцазнаходжанне ў вадаёме. У Літве, да прыкладу, усяго 7 вадаёмаў, дзе дазволена паляваць падводнікам. У той жа час як у Беларусі іх колькасць пастаянна павялічваецца.

– Не варта забываць і аб тым, што падводнае паляванне першапачаткова фарміравалася, як від спорту, – працягваў Андрэй Уладзіміравіч. – А ў спорце правілы павінны захоўвацца бездакорна. А калі такія не захоўваюцца, то адбываецца дыскваліфікацыя, што ва ўказаных вышэй выпадках і адбылося.

«Тэлефон даверу» Барысаўскай МРІ:  8 017 77 9-20-04 (кругласутачна).