Моладзь Крупшчыны прыняла ўдзел у адкрыцці трэцяга працоўнага семестра Мінскай вобласці

Урачыстая цырымонія адбылася ў Салігорску. Месца правядзення мерапрыемства было выбрана не выпадкова. Менавіта Салігорскі тэрытарыяльны штаб студэнцкіх атрадаў прызнаны лепшым у Мінскай вобласці ў 2017 годзе. Як расказаў першы сакратар Крупскага РК ГА «БРСМ» Уладзімір Рогаў, на адкрытым дыялогу прадстаўнікі тэрытарыяльных штабоў БРСМ з розных гарадоў абмяркоўвалі важныя пытанні летняга працаўладкавання моладзі, у прыватнасці, як правільна арганізаваць працоўную занятасць, затым абменьваліся вопытам. У гэты дзень былі ўручаны пуцёўкі, а затым студатрадаўцы з экскурсіяй наведалі ААТ «Беларуськалій» і моладзевы інтэрнат.