krupki.by

ru RU be BE en EN


Баявое хрышчэнне для Васіля Стасевіча адбылося на валакаламскім накірунку фронту

Автор / Земляки / Вторник, 21 апреля 2020 10:47 / Просмотров: 176

Радавы 95-га асобнага стралковага батальёна Васіль СТАСЕВІЧ удзельнічаў у абароне Масквы, прарыве блакады Ленінграда, вызваленні Беларусі, Польшчы, баях ва Усходняй Прусіі, штурме Кёнігсберга. Фота 1946-1947 гадоў.Радавы 95-га асобнага стралковага батальёна Васіль СТАСЕВІЧ удзельнічаў у абароне Масквы,прарывеблакады Ленінграда, вызваленні Беларусі, Польшчы, баях ва Усходняй Прусіі, штурме Кёнігсберга. Фота 1946-1947 гадоў.

З ветэранам Вялікай Айчыннай вайны Васілём Дзмітрыевічам Стасевічам я знаёмы з сярэдзіны 70-х, калі прыехаў працаваць у Нацкую сярэднюю школу.

Сустракаліся даволі часта, гутарылі на самыя розныя тэмы, таму што жылі амаль побач адзін з адным. Не абыходзілі і тэму Вялікай Айчыннай вайны, у якой актыўны ўдзел прымаў і Васіль Дзмітрыевіч. Мой суразмоўца – мясцовы, нарадзіўся ў Начы 23 лютага 1921 года. Да вайны спачатку працаваў на млыне, які знаходзіўся на ўзбярэжжы ракі Нача і быў пабудаваны яшчэ пры Кацярыне ІІ, потым у калгасе. У дзеючай арміі з 1941 года.

 – Да пачатку вайны наша камандаванне накіравала нас на Далёкі Усход да японскай граніцы, дзе мы знаходзіліся каля года, – успамінаў ветэран. – На Далёкім Усходзе было сканцэнтравана каля 40 дывізій, таму што існавала пагроза нападу японцаў на СССР. Як вядома, Японія была саюзніцай Германіі і яшчэ ў канцы 30-х паказала сваю зброю каля возера Хасан і ракі Халхін-Гол. Калі склалася небяспечнае становішча пад Масквой, нас перакінулі на абарону сталіцы. Велізарныя страты несла наша армія пад Смаленскам, Ржэвам, Гжацкам і Вязьмай.

Далей Васіль Дзмітрыевіч расказваў, што першае яго баявое хрышчэнне адбылося на валакаламскім накірунку фронту, дзе вяліся вельмі жорсткія баі. Усе стаялі насмерць. Паступіла каманда: «Ні кроку назад!» Была аб’яўлена ўсеагульная мабілізацыя. На абарону сталіцы выступілі ўсе, хто мог насіць зброю, многія ўзводзілі абарончыя збудаванні. Дзякуючы мужнасці і гераізму, удалося адстаяць Маскву, перайсці ў контрнаступленне і адцясніць ворага больш чым за 100-150 кіламетраў. Была знішчана вялікая колькасць жывой сілы і тэхнікі ворага. Вялікія страты несла наша армія. Аднак перавага яшчэ была на баку фашысцкай Германіі.

Васілю Дзмітрыевічу пашчасціла. Ён выжыў і перамог. Ваяваў у складзе Цэнтральнага, потым – пасля вызвалення значнай часткі тэрыторыі – салдат перакінулі на І Прыбалтыйскі фронт.

Вельмі памятнымі для ветэрана засталіся дні, калі адбылася аперацыя па прарыву блакады Ленінграда. Немцы аказвалі тут моцнае супраціўленне, біліся за кожны населены пункт, кожны кіламетр. Усё ж немцаў удалося выбіць і вызваліць горад на Няве. Затым Васіль Стасевіч удзе­льнічаў у вызваленні Вялікіх Лук, Віцебска, Дзвінска і горада Кёнігсберга.

Пасля заканчэння вайны працягваў служыць на Паўночным Урале да 1948 года. Дэмабілізаваўшыся, прыехаў на малую радзіму, працаваў вартаўніком у райспажыўсаюзе, потым цесляром у калгасе «Камунар».

Васіль Стасевіч узнагароджаны ордэнам Айчыннай вайны, медалямі «За баявыя заслугі»,«За ўзяцце Кёнігсберга», «За перамогу над Германіяй», шматлікімі юбілейнымі медалямі і падзякай ад Вярхоўнага галоўнакамандуючага.

Пасля цяжкай і працяглай хваробы памёр у 2002 годзе і пахаваны на нацкіх могілках. Памяць пра гэтага добрага і сумленнага чалавека засталася ва ўсіх, хто яго ведаў. У музеі Нацкай сярэдняй школы на спецыяльным стэндзе змешчаны фотаздымак ветэрана вайны, а ў альбоме – аповяд пра яго баявы шлях.

Уладзімір КАНАПЛІЦКІ, аграгарадок Нача.

Автор

admin

admin

  • Район
  • Область

Актуально

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

В Крупском районе работают горячие линии по доставке продуктов и лекарств для пожилых людей

Крупский ТЦСОН соощает, что в связи с необходимостью минимизации посещения мест массового скопления людей и соблюдения мер профилактики граждане, нуждающиеся в доставке продуктов питания, товаров первой необходимости и лекарств, могут обратиться за содействием в организации такой доставки по телефону «горячей линии» 8(01796) 57-3-94.

Также БРСМ продолжает работу горячих телефонных линий для информационной помощи пожилым людям. По желанию пожилых людей активисты союза молодежи помогут им через интернет заказать товары первой необходимости. Молодежная горячая линия работает ежедневно с понедельника по субботу включительно с 9.00 до 18.00. Телефон горячей линии РК ОО «БРСМ» 5-63-31.

Please publish modules in offcanvas position.