krupki.by

ru RU be BE en EN

На Крупшчыне адзначаюць Дзень незалежнасці Рэспублікі Беларусь і Дзень вызвалення Беларусі ад нямецка-фашысцкі захопнікаў (фота)



На Крупшчыне адзначаюць Дзень незалежнасці Рэспублікі Беларусь і Дзень вызвалення Беларусі ад нямецка-фашысцкі захопнікаў (фота)

Автор / Главные новости / Пятница, 03 июля 2020 12:17 / Просмотров: 2336

Цырымонія ўскладання кветак да помнікаў воінскай славы, урачысты мітынг і культурная праграма – усё было напоўнена пачуццём любові да роднага краю, вялікай павагі да подзвігу дзядоў і прадзедаў, якія заваявалі для нас радасць мірнага жыцця.

Гасцінна расчыніў свае дзверы ўтульны музейны дворык. Традыцыйна ўрачысты мітынг праходзіць на тэрыторыя гісторыка-краязнаўчага музея, там, дзе захоўваецца гісторыя, дзе знітоўваюцца мінулае і цяперашняе. Распачаўся ён радкамі знакамітага верша Уладзіміра Карызны “Люблю цябе, Белая Русь”. Сапраўды, у гэтым невялікім па памеры паэтычным творы закладзены глыбокі сэнс, што самымі найлепшымі пачуццямі адгукаецца ў сэрцы кожнага беларуса.

– Не голас, а сэрца гаворыць гэтыя словы – з любоўю, з гонарам, з душэўнай пяшчотай. Тут – наша гiсторыя. Тут – наша напеўная родная мова. Тут – нашы каранi. Тут – жывём мы! – і з гэтымі словамі, сказанымі вядучымі, нельга не пагадзіцца.

 

Урачысты настрой, зададзены напачатку пранікнёным вершам, панаваў напрацягу ўсяго мітынга ў гонар галоўнага дзяржаўнага свята нашай краіны. Шмат узнёслых слоў было сказана пра Беларусь, пра тое, якая яна прыгожая, ветлая і гасцінная, пра тое, што ў аснове беларускай дзяржаўнасці знаходзяцца такія фундаментальныя каштоўнасці, як мірнае і бяспечнае жыццё, згода, незалежнасць і стабільнасць, пра тое, як мы клапоцімся, каб Беларусь квітнела.

– Сёння самы важны дзень -- Дзень Незалежнасці Рэспублікі Беларусь, -- адзначыў у сваім выступленні старшыня Крупскага раённага выканаўчага камітэта Анатолій Козел. – Дзень, які стаў кропкай адліку новай гісторыі краіны – мірнай і стваральнай. Які праз гады пад чыстым небам нязменна вяртае нас у адзін з самых цяжкіх і гераічных перыядаў у жыцці беларускага народа. Амаль восем дзясяткаў гадоў таму на тэрыторыі Беларусі разгарэўся ачаг самай жорсткай у гісторыі чалавецтва вайны. Тут, на нашай зямлі, фашысцкія захопнікі, прайшоўшы паў-Еўропы, упершыню сутыкнуліся з самым лютым супраціўленнем і панеслі найбуйнейшыя страты. Мы ніколі не забудзем, якой цаной дасталася нам гэтая Перамога. Прашу ўшанаваць памяць загінулых герояў хвілінай маўчання!

У поўнай цішыні не гучалі словы, але адчуваўся стук сэраў, падкрэслены гукам метранома, адлічваўшым секунды. У сэрцах былі боль і памяць аб людзях, што аддалі свае жыцці, каб жылі мы...

– Кожны год нашай гісторыі – гэта лёс роднай краіны, а значыць наш агульны з вамі лёс, -- працягваў Анатолій Козел. -- Гэта лёс нашых продкаў, якія абаранялі і адраджалі Беларусь, здзяйснялі яе дасягненні і перадавалі іх у спадчыну сваім дзецям. Мы імкнемся вырасціць годнае маладое пакаленне, якое ўсведамляе, што іх Радзіма тут. Менавіта на роднай зямлі можна і трэба раскрываць свае таленты і рэалізоўваць самыя смелыя ідэі і задумы, вучыцца, працаваць і будаваць планы на заўтрашні дзень. Шчыра жадаю ўсім моцнага здароўя, доўгіх гадоў жыцця, міру і дабра, новых поспехаў і добрых спраў. Са святам! З Днём Незалежнасці!

Сёння ўнукі тых, хто вызваліў родную зямлю, упэўнена глядзяць у будучае, сваёй адданай працай, вучобай і творчымі дасягненнямі ўслаўляючы Радзіму. Адметнай падзеяй мітынга стала ўшанаванне моладзі. За актыўны ўдзел у рэалізацыі дзяржаўнай маладзёжнай палітыкі і творчыя дасягненні ўзнагароду атрымала навучэнка Крупскай дзіцячай школы мастацтваў Віялета Галкіна. За прафесіяналізм, актыўную жыццёвую пазіцыю і асабісты ўлад у сацыяльна-эканамічнае развіццё раёна – фельчар даўрачэбнага кабінета паліклінікі Крупскай ЦРБ Марыя Мілюхова і галоўны эканаміст ААТ “МайскаеАгра” Марыя Белая.

Узнёсыя словы прагучалі ад моладзі і ад старэйшага пакалення.

– Мы, маладое пакаленне, шануем родную краіну, якую людім і якой ганарымся, – сказала ўчастковы інспектар інспекцыі па справах непаўналетніх РАУС Аляксандра Мінская. – Гэтае свята – даніна памяці воінам Вялікай Айчыннай, тым, хто аднаўляў краіну пасля вайны. Гэта ўдзячнасць тым, хто працуе дзеля яе дабрабыту зараз. Мы ўсе нясём адказнасць за будучае нашай дзяржавы. Гэта ў нашых сілах.

– Дзень незалежнасці яднае шмат пакаленняў і такія важныя паняцці, як свабода і незалежнасць, адзначыў старшыня раённага савета ветэранаў Уладзімір Кушнер. – За гістарычна кароткі тэрмін краіна зрабіла імклівы рывок у сваім развіцці і сёння займае годнае месца ў сусветнай супольнасці. Беларусь упэўнена ідзе па шляху стварэння і развіцця на карысць свайго народа.

Узнёслы настрой мітынга перанёсся ў гарадскі парк. Там разгарнулі сваю дзейнасць разнастайныя экспазіцыі. Сустракала гасцей на ўваходзе выстава творчых работ выхаванцаў Крупскай дзіцячай школы мастацтваў “Зямля бацькоў – зямля святая”. Як адзначыла педагог Галіна Пахомава, юныя мастакі працавалі з вялікім натхненнем, самі абдумвалі сюжэты, раіліся. Дзеці намалявалі сюжэты мірнага жыця, ваенннага ліхалецця і нават партрэты сваіх продкаў, якія змагаліся з ворагам.

 

 

Госці падоўгу затрымліваліся ля фотавыставы Кайярыны Кузняцовай “Шчаслівыя дзеці – шчаслівая Беларусь”, с цікавасцю спыняліся ля персанальнай выставы выпускніцы гарадской СШ №1 Анастасіі Шалак, любаваліся строямі з калекцыі педагога дадатковай адукацыі Аксаны Коваль “Кветка-душа”, захапляліся саламянымі вырабамі адмысловых майстроў клуба “Таленты Крупшчыны” раённага Дома рамёстваў, а ў музейным дворыку можна было пазнаёміцца з тэматычнай выставай кніг Крупскай раённай бібліятэкі імя Янкі Купалы.

А на сцэнічнай пляцоўцы парка яркімі фарбамі таленту радаваў гасцей святочны канцэрт “Квітней, Радзіма, пад блакітым небам”. Для яго былі падабраныя найлепшыя музычныя творы пра Беларусь, пра маладосць і каханне.

У парку працавалі гандлёвыя кропкі і дзіцячыя атракцыёны.

Фота Александра БУДЗЬКО.

 

 

 

Автор

Марина Бородавко

Марина Бородавко

Актуально

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

В Крупском районе работают горячие линии по доставке продуктов и лекарств для пожилых людей

Крупский ТЦСОН соощает, что в связи с необходимостью минимизации посещения мест массового скопления людей и соблюдения мер профилактики граждане, нуждающиеся в доставке продуктов питания, товаров первой необходимости и лекарств, могут обратиться за содействием в организации такой доставки по телефону «горячей линии» 8(01796) 57-3-94.

Также БРСМ продолжает работу горячих телефонных линий для информационной помощи пожилым людям. По желанию пожилых людей активисты союза молодежи помогут им через интернет заказать товары первой необходимости. Молодежная горячая линия работает ежедневно с понедельника по субботу включительно с 9.00 до 18.00. Телефон горячей линии РК ОО «БРСМ» 5-63-31.

Please publish modules in offcanvas position.