krupki.by

ru RU be BE en EN

Ступені поспеху. Працаўнікі ААТ «Кляновічы» набліжаюцца да заканчэння другога ўкосу траў



Ступені поспеху. Працаўнікі ААТ «Кляновічы» набліжаюцца да заканчэння другога ўкосу траў

Автор / Главные новости / Пятница, 10 июля 2020 10:18 / Просмотров: 359

Аднымі з першых тут справіліся з першым укосам, хаця і плошча была ўнушальнай – 1 767 гектараў. І, не марудзячы, адразу ж прыступілі да другога ўкосу. Дарэчы, ужо цяпер у гаспадарцы нарыхтавалі значную колькасць кармоў у разліку на адну ўмоўную галаву буйной рагатай жывёлы – амаль 15 цэнтнераў кармавых адзінак. А гэта таксама найвышэйшы паказчык сярод іншых гаспадарак раёна.


Як адзначыў дырэктар таварыства Ілья Змачынскі, механізатары імкнуцца хутчэй завяршыць другі ўкос, каб паспець вызваліцца да пачатку ўборкі рапсу і збожжавых. А яны ўжо на падыходзе. Пакуль будуць убіраць збожжавыя, павінны падаспець і травы трэцяга ўкосу. Сёння ўсё ж самае галоўнае – не тэмпы, а каб травы ўбіраліся на піку іх пажыўнасці.

– Радуюць травы, добра працуе тэхніка, стараюцца людзі, – працягваў кіраўнік гаспадаркі. – Усё гэта станоўча адбіваецца і на выніках працы. Толькі з травяністых кармоў, без уліку кукурузы, мяркуем нарыхтаваць 18 цэнтнераў кармавых адзінак. Падчас першага ўкосу стаўка была зроблена на нарыхтоўку сенажу, і яго на сённяшні дзень закладзена ў сянажныя траншэі 14 239 тон, а гэта больш паловы запланаванага. Спякотныя дні сталі сапраўды спякотнымі і для нарыхтоўшчыкаў сена. Скарыстаўшы добрае надвор’е, ужо назапашана 803 тоны сена з плана 1 110 тон.
Па ўсім бачна, што ладзяцца справы ў адкрытым акцыянерным таварыстве «Кляновічы». А галоўны інжынер Аляксандр Шашкоў, якога мы сустрэлі ў дыспетчарскай, заўважыў:
– Абавязкова з’ездзіце на палеткі, дзе на сапраўднай цуда-тэхніцы цяпер працуе Аляксей Святлоў, які сам і зрабіў яе. Да спісанага камбайна «Акрас-530» пасля пэўных маніпуляцый падчапіў касу і атрымаўся вось такі адметны энергетычны сродак, якога, не пабаюся сказаць, няма не толькі ў раёне, але нават і ў вобласці. Ды вы і самі пераканаецеся ў гэтым, калі пабачыце.

І вось разам са старшынёй пярвічнай прафсаюзнай арганізацыі Надзеяй Заблоцкай бяром кірунак на Сінічанку. Па дарозе Надзея Уладзіміраўна расказвае, што ў гаспадарцы распрацаваны ўмовы працоўнага спаборніцтва, прадугледжаны меры маральнага і матэрыяльнага стымулявання. Кожную раніцу ў дыспетчарскай і ў канторы на спецыяльным стэндзе механізатары могуць убачыць вынікі свайго папярэдняга працоўнага дня, даведацца, колькі ўбрана і перавезена зялёнай масы і колькі зароблена. У гонар лепшых корманарыхтоўшчыкаў узнімаецца Сцяг працоўнай славы.

– А яшчэ мы ўшаноўваем лепшых працаўнікоў прама на полі, уручаем ім каштоўныя падарункі і грашовыя прэміі, – гаварыла старшыня прафкама. – Вось нядаўна старшыня райкама прафсаюза работнікаў аграпрамысловага комплексу Валянціна Козел адзначыла механізатара Аляксандра Жураўкіна, які на трактары «FENDT-930» перавозіў сянаж. Падзячнае пісьмо атрымаў таксама Аляксандр Самойленка, які заняты падборкай траў. А літаральна гэтымі днямі кіраўнік сельгасарганізацыі павіншаваў за шчырую і самаадданую працу Анатоля Грыня, які заняты на прасаванні, Віктара Авяр’янава, што адвозіць сянажную масу, Андрэя Клімава, які і падбірае, і трамбуе зялёную масу, Мікалая Мікульчыка, што заняты на валкаванні і прасаванні, і Івана Картавіцкага, які таксама займаецца валкаваннем. Усе названыя механізатары вельмі адказныя і ўвішныя, шчыруюць на палетках, не лічачыся з часам. Такім людзям – павага і пашана.

За размовай незаўважна пад’ехалі да вялікага поля, што раскінулася за вёскай Сінічанка. Крыху пачакалі, калі механізатар закончыў касіць паласу і развярнуў свой агрэгат насустрач нам. І вось табе, калі ласка, наш добры і даўні знаёмы Аляксей Святлоў, які ў асобныя гады намалочваў не толькі тысячу тон збожжа, але нават і больш за дзве тысячы тон. Лёгка скокнуў на зямлю і з захапленнем пачаў расказваць і паказваць цуда-касілку:
– Цэлую зіму думаў, як прыстасаваць да камбайна касілку. І прыдумаў. Дапамагаў пераўтварыць задуманае ў рэальнасць Раман Чайкін. Працавалі мы над гэтай рэканструкцыяй амаль два месяцы. Многія падыходзілі, гля­дзелі з недаверам, асобныя заахвочвалі словам, але ж большасць было скептыкаў. І ўсё ж мы давялі, як кажуць, да розуму. Прадукцыйнасць працы ёсць, тэхніка косіць, захопліваючы ажно 9 метраў, і рэзультат дае свой плён.

Да месца адзначыць, што Аляксей Іванавіч на сваёй цуда-тэхніцы скасіў ужо каля 100 гектараў траў.
– А праз тыдзень-паўтара і азімы рапс убіраць будзем, а яго пасеяна ў нас 500 гектараў, – заўважыла Надзея Заблоцкая. – І наш Святлоў будзе ў першых радах.
І механізатар пагадзіўся з гэтымі словамі. А не за гарамі і ўборка збожжавых каласавых, дзе зноў шчыраваць будзе Аляксей Святлоў. Таму, развітваючыся, мы сказалі яму: «Да новых сустрэч!»

Автор

Татьяна Толкачева

Татьяна Толкачева

Актуально

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

В Крупском районе работают горячие линии по доставке продуктов и лекарств для пожилых людей

Крупский ТЦСОН соощает, что в связи с необходимостью минимизации посещения мест массового скопления людей и соблюдения мер профилактики граждане, нуждающиеся в доставке продуктов питания, товаров первой необходимости и лекарств, могут обратиться за содействием в организации такой доставки по телефону «горячей линии» 8(01796) 57-3-94.

Также БРСМ продолжает работу горячих телефонных линий для информационной помощи пожилым людям. По желанию пожилых людей активисты союза молодежи помогут им через интернет заказать товары первой необходимости. Молодежная горячая линия работает ежедневно с понедельника по субботу включительно с 9.00 до 18.00. Телефон горячей линии РК ОО «БРСМ» 5-63-31.

Please publish modules in offcanvas position.