– Наша бібліятэка заўсёды цесна супрацоўнічала з беларускімі літаратарамі, – адзначае яе дырэктар Наталля Купрыянава. – У бібліятэку прыязджала шмат вядомых беларускіх творцаў, якія ладзілі літаратурныя вечарыны, дарылі нам свае выданні, зразумела, з аўтографамі. Вядома, самымі частымі гасцямі былі пісьменнікі-землякі. І вось зараз мы зрабілі экспазіцыю такіх падарункаў, каб успомніць самім і расказаць нашым наведвальнікам. Канечне, такіх выданняў у фондах шмат, але мы вырашылі адабраць найбольш даўнія.
Такім чынам, даведваемся, што ў 1964 годзе бібліятэку наведаў Янка Брыль і прынёс у дар сваю аповесць «У Забалоцці днее» з аўтографам: «Чытачам Крупскай раённай бібліятэкі на добры ўспамін». Дарэчы, за гэты твор у свой час аўтар атрымаў Дзяржаўную прэмію СССР.
У тым жа годзе адбылася сустрэча з Максімам Танкам, на памяць застаўся зборнік вершаў «На камні, жалезе і золаце» з падобным подпісам: «На добры ўспамін Крупскай бібліятэцы».
У 1968 годзе крупчане віталі Васіля Макарэвіча, які падарыў свой чарговы зборнік вершаў «Вогненная камета». «Крупскай раённай бібліятэцы і яе чытачам ад земляка, які заўсёды помніць, што ён з Крупшчыны, ад усяго шчырага сэрца», – сведчыць надпіс.
Васіль Зуёнак, Станіслаў Шушкевіч, Казімір Камейша, Адам Русак, Міхась Калачынскі, Артур Вольскі, Іван Цітавец… Пералік сапраўдных постацей беларускай літаратуры, што прыязджалі ў Крупкі, можна доўжыць і доўжыць. Сапраўды, вельмі каштоўная і цікавая экспазіцыя.
Наступны юбілейны стэнд – выстава фатаграфій.
– Якая сведчыць, якія маладыя мы былі, – з усмешкай гаворыць Наталля Купрыянава.
Там паказаны будні бібліятэкараў, разнастайныя семінары, святы і г.д.
Яшчэ на адным стэндзе бачым узнагароды розных узроўняў, якіх удастоена наша бібліятэка. А таксама вельмі цікавы дакумент – Пастанова Савета Міністраў Беларускай ССР ад 28 верасня 1965 года, якой ёй прысвоена імя Янкі Купалы. Акурат 55 гадоў таму. Так што, цяперашняй восенню ў бібліятэкі – двайны юбілей.
Да месца будзе зазначыць, што экспазіцыя, пра якую мы расказалі, стала працягам тэматычных выстаў, шэраг якіх распачалася ў верасні паказам рэдкіх выданняў.
27 марта с 12.00 до 13.00 председатель суда Крупского района Сивакова Любовь Станиславовна проведет прямую телефонную линию по телефону 8-01796 5-54-78.
23 марта с 16.00 до 17.00 в ОАО «Старосельское» по адресу: Крупский район, аг. Староселье, ул. Молодежная, д. 4 заместитель начальника инспекции Министерства по налогам и сборам Республики Беларусь по Борисовскому району-начальник управления по работе с плательщиками по Крупскому району Закревский Александр Геннадьевич проведет личный прием. Предварительная запись будет осуществляться 22 марта с 08.30 до 13.00 и с 14.00 до 17.30 по телефону 8 (01796) 2 75 28
