– Мы запісваем відэаэкскурсіі і размяшчаем на старонках сацыяльных сетак: «Фэйсбук», «Аднакласнікі», «Укантакце» (у раздзеле artkrupki), «Інстаграм», «Ютуб» (krupki(Art & History), – расказвае навуковы супрацоўнік галерэі Хрысціна Жукава. – Выстава «За гранню» ўяўляе сабой серыю карцін, прысвечаных згубленаму свету яўрэйскіх паселішчаў на беларускіх землях. Мастак удыхнуў у іх жыццё праз свае работы. Карціны адрозніваюцца вялікай выразнасцю, пранікнёнасцю. Яны дазволяць гледачу даведацца пра тую багатую культуру, якую, на жаль, мы страцілі за гады Вялікай Айчыннай вайны. Цэнтральнае месца ў экспазіцыі займаюць работы, якія раскрываюць тэму Халакоста – аднаго з самых жахлівых злачынстваў супраць чалавецтва. Карціны адрозніваюцца сваёй журботнай каляровай гамай і настроем. Назвы гавораць самі за сябе: «Дарога ў гета», «Расстрэл», «Сведка». Трагедыя Халакоста закранула нашу Крупшчыну. Сёлета спаўняецца 80 гадоў памяці ахвяр Халакоста на Крупшчыне. Выстава Юрыя Крупянкова прымеркавана гэтай журботнай даце.
Выставу можна наведаць да 17 лістапада.
Іна ГАРА. Фота Аляксандра БУДЗЬКО.
