Я адначасова здзівілася і ўзрадавалася, – дзеліцца сваімі ўражаннямі Віялета. – Перамога ў такой важнай намінацыі да многага абавязвае. Тэму выбрала адразу ж, як толькі наша настаўніца Анастасія Уладзіміраўна Веліканава аб’явіла аб магчымасці паўдзельнічаць у конкурсе «Мая Беларусь. Мая будучыня». Чаму менавіта гэту? Таму, што наш Прэзідэнт Аляксандр Рыгоравіч Лукашэнка вельмі моцная і цікавая асоба. Ён здолеў пабудаваць дзяржаву, дзе кожны адчувае ўпэўненасць у заўтрашнім дні. Зразумела, як любую творчую работу, я грунтоўна абдумала, якія думкі закладу ў тэкст, як яго пабудую. А затым усё пайшло вельмі лёгка, таму што сапраўды ад душы. На цырымоніі ўзнагароджання я была разам са сваімі бацькамі, яны заўсёды падтрымліваюць мяне. Увогуле, свята было вельмі цікавым, шмат моладзі ў прыгожых вышыванках, шмат творчых пляцовак, можна было паўдзельнічаць у конкурсах і добра адпачыць. Свята – частка глабальнага рэспубліканскага моладзевага праекта «Беларусь – крынiца натхнення». Я ганаруся, што і праз мяне на такім высокім узроўні прагучала назва Крупскага раёна. Асабліва гэта важна ў Год малой радзімы, таму што ўсе свае поспехі мы прысвячаем менавіта ёй.