Як вядома, кожны чацвер у раёне праводзяцца санітарныя дні, а вось у мінулы выхадны дзень многія ўжо выйшлі і на суботнік. Узброіўшыся інвентаром, крупчане наводзілі парадак на тэрыторыях уздоўж дарог, ля сваіх арганізацый, у гарадскім парку, ля мемарыяльных помнікаў, месцаў баявой і воінскай славы.
Пасля зімы спраў, як заўсёды, шмат. Таму да марафону чысціні паступова далучаюцца ўсе. У далейшым крупчане плануюць прыняць удзел у рэспубліканскай акцыі «Тыдзень лесу», якая пройдзе з 3 па 10 красавіка, у акцыі «Чысты бераг», што арганізоўваецца Крупскай раённай арганізацыйнай структурай Беларускага таварыства паляўнічых і рыбаловаў, у экалагічнай кампаніі «Добраўпарадкуем малую радзіму!» і іншых.
Наогул, яшчэ ў лютым райвыканкамам зацверджаны раённы план мерапрыемстваў па навядзенні парадку на зямлі і добраўпарадкаванні тэрыторый населеных пунктаў Крупскага раёна ў 2021 годзе. Фронт работ у ім вызначаны для ўсіх устаноў, прадпрыемстваў, сельскагаспадарчых арганізацый. Так што, кожны можа зрабіць свой унёсак у добраўпарадкаванне сваёй малой радзімы.