Задума такая – на ёй будзе вышыты кожны раён і яго славутасці. У выніку ўмельцы з усіх куткоў краіны створаць вялікую карту Беларусі, дзе будуць адзначаны элементы матэрыяльнай і нематэрыяльнай спадчыны ўсіх рэніёнаў.
Майстры сталічнага рэгіёна будуць шчыраваць над сваёй часткай праекта на базе Мінскага абласнога цэнтра народнай творчасці. І сімвалічна, што першай за справу ўзялася прадстаўніца нашага раёна. Гэта метадыст раённага Дома рамёстваў, вядомы майстар па саломапляценні і вышыўцы Алена Шкор.
– Наша Крупшчына вядома сваімі адметнымі традыцыямі ў саломапляценні, – адзначыла яна. – Работы майстроў Дома рамёстваў прадстаўлены на самых разнастайных выставах, перамагалі ў многіх конкурсах. Таму і было вырашана, што на карце свайго раёна трэба вышыць саламянага каня і беларускі арнамент. Гэта вельмі тонкая, карпатлівая і адказная работа, і мне прыемна, што мы распачалі яе першымі на Міншчыне. Працуецца вельмі добра, з натхненнем і радасцю за тое, што мне даверылі ўдзельнічаць у стварэнні такой незвычайнай карты нашай краіны.