krupki.by

ru RU be BE en EN

Старажытны горад Слонім прымаў ХХVІ Дзень беларускага пісьменства



Старажытны горад Слонім прымаў ХХVІ Дзень беларускага пісьменства

Автор / Общество / Среда, 04 сентября 2019 11:27 / Просмотров: 870

У мінулыя выхадныя Слонім пераўтварыўся ў вялікую святочную пляцоўку. На пачатку прайшла цырымонія адкрыцця помніка Льву Сапегу, затым адбылося тэатралізаванае шэсце ўдзельнікаў свята па цэнтральных вуліцах Слоніма.

Сваёй маштабнасцю ўразіла фотавыстава «Бачу Беларусь такой». Беларускія аўтары далучыліся да культурна-асветнай акцыі ў Жыровічах са сваім прадстаўленнем «Я слова ў душы нашу». На пляцоўцы «Слова пісьменніка» праходзілі прэзентацыі абласных аддзяленняў Саюза пісьменнікаў Беларусі, аўтограф-сесіі, тут можна было сустрэцца з любімымі пісьменнікамі і набыць іх кнігі.

А ў нядзелю гасцей і ўдзельнікаў чакала ўрачыстая цырымонія адкрыцця свята, якая прайшла на галоўнай сцэне ля раённага цэнтра культуры. Мастацка-гістарычная дзея была поўнасцю пабудавана на яркіх падзеях гісторыі рэгіёну. Галоўныя героі, быццам падарожнічаючы ў часе, прапаноўвалі гледачам убачыць гістарычныя падзеі, якія праходзілі на Слонімскай зямлі. У фінальнай сцэне быў прадстаўлены сённяшні дзень Слонімшчыны з шырокай прэзентацыяй яго творчага патэнцыялу. Кульмінацыяй свята стала ўручэнне Нацыянальнай літаратурнай прэміі.

У цэнтры горада працавалі дзясяткі тэматычных пляцовак. На імправізаваным ваенным прывале разгарнула работу агітбрыгада «Слава Перамогі ў сэрцах пакаленняў» і была адкрыта фотавыстава «Беларусь помніць». Ва ўсіх жадаючых была магчымасць паспрабаваць свае сілы ў традыцыйных рамёствах. На майстар-класах можна было навучыцца рабіць гаршкі, выразаць драўляныя лыжкі і плесці шляпу з саломы.

Удзельнікам Дня беларускага пісьменства прапаноўвалі разгадаць код Сапегі. Квэст стаў своеасаблівым эксперыментам па прыцягненні ўвагі да гісторыі горада. Праграма ўключала таксама гашэнне памятных маркі і паштовага канверта. На адной з пляцовак гасцям свята прапаноўвалі пакаштаваць стравы, згатаваныя па рэцэптах з кніг класікаў, у тым ліку верашчаку, клёцкі, пірог з гусінай пячонкай, і нават «карпа па-шляхецку».

У рамках свята падчас акцыі «Мая Радзіма – Беларусь» больш чым 600 першакласнікам раёна на сцэне ў гарадскім парку на беразе канала Агінскага былі ўручаны падарункі Прэзідэнта.

Завяршыўся форум канцэртнай праграмай майстроў мастацтва «Льецца песня па-над Шчарай» і ўрачыстай цырымоніяй перадачы эстафеты свята гораду Бялынічы Магілёўскай вобласці.

Автор

Татьяна Толкачева

Татьяна Толкачева

Актуально

В Крупской ЦРБ можно вакцинироваться от коронавируса

С начала вакцинации в Крупской ЦРБ работает кабинет иммунопрофилактики № 420 с 8.00 до 20.00, в субботу – с 8.00 до 14.00 Предварительная запись по телефонам: 5-52-72, 5-44-68.

Please publish modules in offcanvas position.