krupki.by

ru RU be BE en EN

Добраахвотная акцыя «Чысты лес» прайшла ў Крупскім лясгасе



Добраахвотная акцыя «Чысты лес» прайшла ў Крупскім лясгасе

Автор / Общество / Вторник, 20 октября 2020 15:08 / Просмотров: 743

Добраахвотная акцыя «Чысты лес», прымеркаваная да Года малой радзімы, прайшла ў Крупскім лясгасе 17 кастрычніка, і ў ёй прынялі ўдзел 40 прадстаўнікоў з арганізацый і прадпрыемстваў і 300 работнікаў лясніцтваў і лясгаса.

Як вядома, лясная гаспадарка вырашае вялікія дзяржаўныя задачы ў галіне аднаўлення, аховы і абароны лясоў. Штогод на работы па добраўпарадкаванні лясоў і навядзенні парадку на землях ляснога фонду накіроўваюцца значныя сілы і сродкі.

Садзейнічанне падтрыманню ў належным стане земляў ляснога фонду з’яўляецца абавязкам кожнага грамадзяніна. Разам з тым, па-ранейшаму актуальнай застаецца праблема несанкцыянаваных звалак будаўнічых і бытавых адходаў, іншых пабочных прадметаў у лясах, якія прымыкаюць да аўтамабільных і чыгуначных дарог, вакол населеных пунктаў, садаводчых таварыстваў, на пляцоўках адпачынку і аўтастаянках.

– Менавіта для прыцягнення мясцовага насельніцтва, мола­дзі, грамадскасці да дзейнасці лясной гаспадаркі 17 кастрычніка бягучага года і праводзілася рэспубліканская добраахвотная акцыя «Чысты лес», – адзначыла намеснік дырэктара па ідэалагічнай рабоце Крупскага лясгаса Наталля Камовіч. – Загадзя ў нас была створана рабочая група, распрацаваны і зацверджаны план мерапрыемстваў па пад­рыхтоўцы і правядзенні добраахвотнай акцыі, вызначаны аб’екты. Толькі за адзін суботні дзень, 17 кастрычніка, з 23 вызначаных аб’ектаў было прыбрана 6 куб. м бытавога смецця, амаль ва ўсіх лясніцтвах высаджана 16 тысяч дрэў, у асноўным сасны, елкі і ліставых.

Далей Наталля Камовіч расказала, што работнікі Сяляўскага лясніцтва, у прыватнасці, убіралі прыбярэжныя палосы возера Сялява і зоны адпачынку, Бобрскага доследна-вытворчага лясніцтва – навялі парадак на тэрыторыі ля помніка Герою Васілю Чабатарову і ля месца адпачынку «Крыніца», што на рацэ Бобр, Дзянісавіцкага лясніцтва – займаліся ўборкай месцаў адпачынку кварталаў 33 і 47. Наогул, літаральна ўсімі лясніцтвамі і добраахвотнікамі, якія былі забяспечаны неабходным інвентаром, лес у многіх кварталах быў ачышчаны ад захламленасці, добраўпарадкаваны пахаванні і памятныя знакі, убрана смецце паблізу населеных пунктаў.

Да месца адзначыць, што пры планаванні акцыі арганізатары ўлічвалі эпідэміялагічную абстаноўку: вытрымлівалася рэкамендаваная сацыяльная дыстанцыя, у наяўнасці былі дэзынфекцыйныя сродкі для апрацоўкі рук.

Напярэдадні Наталля Камовіч запрасіла нас на так званую рэпетыцыю акцыі. Уборку лесу ўздоўж дарогі праводзілі вучні сярэдняй школы імя Уладзіміра Крыштопенкі пасёлка Крупскага і прадстаўнікі Крупскага раёна газазабеспячэння філіяла ПУ «Барысаўгаз». Як вынік – толькі газавікамі сабраны кубаметр смецця. Кожны, хто прыняў удзел у акцыі, атрымаў ад Крупскага лясгаса сувеніры – блакнот, ручку і плакат «Чысты лес. Талака па навядзенні чысціні ў лесе».

У кастрычніку, пачынаючы з 2010 года, у краіне праходзіць рэспубліканская добраахвотная акцыя «Чысты лес». Вось і ў мінулую суботу ўсіх нераўнадушных да прыроды людзей паклікалі дапамагчы ў навядзенні парадку.

Фота Святланы ГРЫНЬ.

Автор

Татьяна Толкачева

Татьяна Толкачева

В Крупках работает общественная приемная по сбору предложений по актуальным вопросам развития страны и региона по адресу: г. Крупки, ул. Интернациональная, 1 (Крупская районная библиотека им. Я. Купалы).

Время приема: среда с 14.00 до 17.00, суббота с 10.00 до 13.00.

Актуально

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

Please publish modules in offcanvas position.