krupki.by

ru RU be BE en EN

Мастацкія работы крупчан накіраваны на конкурс дэкаратыўна-прыкладной творчасці «Калядная зорка»



Мастацкія работы крупчан накіраваны на конкурс дэкаратыўна-прыкладной творчасці «Калядная зорка»

Автор / Общество / Понедельник, 23 ноября 2020 14:49 / Просмотров: 403

Зараз ідзе абласны этап конкурса дэкаратыўна-прыкладной творчасці «Калядная зорка», куды і адправілася 21 кампазіцыя ад нашага раёна. Мы пабывалі ў Цэнтры дзіцячай творчасці, дзе як раз была разгорнута выстава, паглядзелі на ўсе работы, а іх было больш за 70, і асобна на тыя, што вызначаны лепшымі.

– «Калядная зорка» – адзін з самых значных конкурсаў для юных майстроў і мастакоў, – зазначыла дырэктар ЦДТ Вераніка Сяліцкая. – Усе работы вельмі цікавыя, відаць, што дзеці і педагогі ўстаноў адукацыі стараліся, за што ім вялікі дзякуй. Многія будуць адзначаны на раённым этапе. Трэба сказаць, што статус конкурсу сведчыць, што на перамогу на вобласці могуць прэтэндаваць работы найвышэйшага ўзроўню выканання. Зыходзячы з гэтага мы вырашылі ў асноўным накіраваць работы гурткоўцаў ЦДТ – у нас у гэтай справе больш вопыту. З устаноў адукацыі выбралі работу «Сімвал года» з Худавецкай СШ. Дарэчы, яны малайцы – штогод прысылаюць на конкурс цікавыя вязаныя цацкі, якія заўсёды займаюць месцы.

Скажу я вам, ад выставы было цяжка адвесці вачэй. Як распавяла Вераніка Сяліцкая, у конкурсных кампазіцыях вітаецца выкарыстанне розных відаў дэкаратыўна-прыкладной творчасці. І нашыя майстры пастараліся прадставіць самы шырокі спектр. Гэта жывапіс поўсцю, качанне поўсцю па мокраму, роспіс па дрэве на берасце, джутавая філігрань, саломапляценне, пляценне з лазы, вязанне, дэкупаж, вышыўка бісерам, ніткамі і нават аплікацыя з макаронаў і мешкавіны. Як бачым, не толькі тэхнікі розныя, але і багата матэрыялаў, у тым ліку народных, што таксама вельмі вітае журы.

– І больш таго, – працягвае Вераніка Сяліцкая, – мы прадставілі работы ў вялікай разнастайнасці намінацый, каб паказаць усе грані таленту нашых педагогаў і выхаванцаў. Гэта «Зімовыя святы Беларусі», «Сувенір-падарунак», «Навагодняя ялінка», «Навагодні персанаж», «Ёлачная цацка», «Беларуская зіма».

Уражваюць усе без выключэння работы. Відаць, што выкананы яны па-майстэрску, з любоўю і вялікай фантазіяй. Пажадаем поспеху не толькі на абласным, але і на рэспубліканскім этапе конкурсу, яны гэтага сапраўды заслугоўваюць!

Автор

Марина Бородавко

Марина Бородавко

Все последние новости о подготовке и проведении VI Всебелорусского народного собрания можно найти на сайте - vsebel.by


В Крупках работает общественная приемная по сбору предложений по актуальным вопросам развития страны и региона по адресу: г. Крупки, ул. Интернациональная, 1 (Крупская районная библиотека им. Я. Купалы).

Время приема: среда с 14.00 до 17.00, суббота с 10.00 до 13.00.

Актуально

«Горячие линии» по вопросам коронавирусной инфекции работают в Минской области

В регионах Минской области работают «горячие линии» по COVID-19. Консультации оказывают медицинские работники. Также специалисты дежурят и на областной «горячей линии». Свои вопросы можно задать по телефону: 8 (017) 517 20 25. График работы: понедельник – пятницы с 8.00 до 17.00.

Телефон в Крупской ЦРБ: 801796 2-39-66.

Также в Минском областном центре гигиены, эпидемиологии и общественного здоровья работает «горячая линия» по вопросам профилактики коронавирусной инфекции COVID-19. Обратиться с волнующим вопросом можно с 8.30 до 16.30. Перерыв с 13.00 до 13.30. Номера телефонов: 8 (017) 290-00-93, 331 26 14, 331-87-68.

Please publish modules in offcanvas position.