Сонейка ўжо пазірае намнога ласкавей… А ў паветры стаіць пах вясны, які наўрад ці перадасі словамі – яго адчуваеш. У нядзелю з самай раніцы на гарадской плошчы гучалі звонкія песні ў народным стылі.Цэлая кампанія казачных герояў ад скамароха і лесавіка да гарэзлівай Бабы Ягі забаўлялі прысутных, прапаноўвалі крупчанам і гасцям горада паўдзельнічаць у провадах зімы. Творчыя калектывы раённага Цэнтра культуры выступілі з канцэртнай праграмай.
Прыгожае свята Масленіцу любяць і гараджане, і вяскоўцы. Прыходзяць на яго сем’ямі, удзельнічаюць у конкурсах і жартах, карагодах і забаўках. Занятак на гарадской плошчы знайшоўся кожнаму. Больш за ўсіх, як звычайна, весяліліся дзеці. Хлопчыкі і дзяўчынкі з задавальненнем ласаваліся рознай смакатой, што прадавалася ў гандлёвых палатках. Дарослыя слухалі галасістых артыстаў, падпявалі ды падтанцоўвалі. Людзі адпачывалі, і ўсюды панаваў добры настрой. А як інакш, мы ж развіталіся з халоднай зімой і сустрэлі прыгажуню вясну.
На плошчы працавала выстава дэкаратыўна-прыкладнога мастацтва Крупскага раённага Дома рамёстваў. Там можна было пабачыць работы з бісеру члена народнага клуба майстроў «Таленты Крупшчыны» Ірыны Малашкевіч. Саламяныя вырабы, лялькі, зробленыя рукамі майстрых, выклікалі шчырае захапленне ў самых маленькіх гасцей свята. Таксама працавалі гандалёвыя рады, дзе можна было набыць мясныя, каўбасныя, хлеба-булачныя і іншыя вырабы.
Свята нагадвае нам пра старадаўнія звычаі, традыцыі, гісторыі народа. І гэта вельмі добра. Масленіца ўвабрала яркія святочныя народныя звычаі, звязаныя з сустрэчай вясны. Разам з ёй пачынаецца новае, чыстае і светлае жыццё. Зусім хутка зазелянеюць трава і дрэвы, распусцяцца кветкі, зашчабечуць птушкі.
...Адметна, што людзі не забываліся на дзень Даравальнай нядзелі і прасілі прабачэння адзін у аднаго, завяралі ў вернасці і сяброўстве. Шчыра, пранікнёна, ад душы!
В рамках акции «Дружим с Законом!» 2 февраля с 10.00 до 15.00 будет организована прямая телефонная линия с психологом Крупской районной больницы. Тема: «Роль родителей в профессиональном и жизненном самоопределении детей», желающие могут обращаться по телефону 5-77-73.
2 февраля в управлении по работе с плательщиками по Крупскому району инспекции Министерства по налогам и сборам Республики Беларусь по Борисовскому району по адресу: г. Крупки, ул. Советская, 8, каб. 44 для физических лиц проводится день открытых дверей по вопросам применения налога на профессиональный доход и использования мобильного приложения «Налог на профессиональный доход».
