Чарніцы і журавіны ў нашых лясах можна будзе збіраць па-новаму. Змены зафіксаваны ў пастанове Міністэрства лясной гаспадаркі «Аб зборы дзікарослых ягад». Адно з галоўных новаўвядзенняў – так званыя «камбайны» (яны ж скрабкі, грэбені) перастаюць быць незаконнымі прыладамі нарыхтоўкі ляснога ўраджаю.Абноўлены Лясны кодэкс і пастанова Мінлясгаса далі дакладнае вызначэнне легальных нарыхтоўчых «машынак» – прыстасаванне для збору дзікарослых ягад традыцыйна павінна складацца з зубоў, ёмістасці назапашвальніка, трымальніка (ручак). Але адлегласць паміж зубамі жорстка рэгламентуецца – не менш 0,5 см, корпус прыстасавання і зубы вырабляюцца з пластмасы, металу, драўніны, гумы або іх камбінацыі, пры гэтым у прыладах у зоне зрывання ягад павінны адсутнічаць рэжучыя краі, вострыя беражкі.
Гэтыя патрабаванні былі распрацаваны для недапушчэння пашкоджання частак пабегаў дзікарослых раслін, а патрабаванні да матэрыялаў прыстасаванняў былі ўстаноўлены, зыходзячы з вопыту іншых краін і магчымасцяў вытворцаў.
У інструкцыі таксама прапісана, што пры зборы чарніц і буякоў прыстасаванне варта накіроўваць пад вуглом да верхняй часткі куста, прытрымліваць пабегі свабоднай рукой, пазбягаць траплення ў грабянец тоўстай ніжняй часткі пабегаў. Пры зборы журавін прыстасаванне неабходна накіроўваць па паверхні моху і пабегах журавін. Акрамя таго, грамадзянам рэкамендуецца весці збор толькі спелых ягад у перыяд іх масавага паспявання ў сухое надвор’е, пасля сходу расы, паколькі гэта зніжае верагоднасць абрыву лісця.
Во вторник, 8 июля, с 9.00 до 10.00 состоится прямая телефонная линия с главным врачом УЗ «Крупская ЦРБ» ЛЕОНОВИЧ Екатериной Михайловной. 
