Уладзімір Кароль зазначыў, што ў гэты час дазволена здабыча дарослых самцоў і селекцыйных жывёл любога полу і ўзросту цягам сутак зброевым спосабам з засады і падыходу. Пры гэтым можна выкарыстоўваць наразную паляўнічую зброю з дульнай энергіяй звыш 300 джоўляў, гладкаствольную паляўнічую зброю і кулявыя патроны, а таксама паляўнічыя лукі і арбалеты пэўных параметраў.
Дарэчы, ужо ў гэтыя выхадныя дзяржаўныя інспектары Барысаўскай міжраённай інспекцыі аховы расліннага і жывёльнага свету будуць задзейнічаны на кантрольных мерапрыемствах, скіраваных на прадухіленне незаконных паляванняў.
