«Беларусь турыстычная» падаецца па тэрытарыяльнаму прынцыпу. Спачатку – агляд Мінска, затым усіх абласцей краіны. Ёсць інфармацыя і аб найбольш знакавых аб’ектах раённых цэнтраў. Міншчына, у прыватнасці, прадстаўлена Слуцкам, паказаны музей ткацтва паясоў. Вельмі цікавы аб’ект для навучэнскай моладзі і замежных гасцей – горад шахцёраў Салігорск. Безумоўна, не абыдзены ўвагай Нясвіж, Брылёўскае поле пад Барысавам, «лагойскія званы» – «Хатынь». А яшчэ – Заслаўе, адзін з чатырох гарадоў краіны (пасля Полацка, Віцебска і Турава), які пераступіў 1000-гадовую мяжу. Гістарычная яго славутасць – гарадзішча «Замэчак». Цяжка ўявіць, што на гэтай невялікай тэрыторыі жылі і князь са світай, і гараджане-рамеснікі. З-пад Крупак вывела дарога на касмічную арбіту Уладзіміра Кавалёнка – двойчы Героя Савецкага Саюза, а з Чэрвеня – лётчыка-касманаўта Алега Навіцкага – Героя Расіі. У Ракуцёўшчыне мацнеў талент Максіма Багдановіча. 

Турыстычны атлас, прызначаны для шырокага кола чытачоў, выйшаў у выдавецтве «Беларусь» тыражом у тысячу экзэмпляраў.