Святкаванне Каляды з даўняй пары сімвалізавала непазбежнасць перамогі добрых сілаў над надобрымі. Пад час гулянняў і абрадаў актыўна гучалі пажаданні дабрыні, здароўя і багацця на увесь бліжэйшы год.

–  Ладзіць фальклорныя святы для нашых выхаванцаў – гэта таксама добрая традыцыя, расказвае намеснік загадчыка дашкольнага цэнтра развіцця дзяцей Наталля Ксяндзова. – Кожны сезон дзятва абавязкова прымае ў іх удзел. І адкрываюць каляндарны год Каляды. Дзецям вельмі падабаецца гэта вясёлае свята, яны ахватна спяваюць песні-калядкі, развучваюць ролі, частуюцца смачнымі цукеркамі і печывам.

– А на вясну у нас ужо запланавана Масленка і Вялікдзень, летам – гуляем Купалле, увосень – клічам дзятву на кірмаш, – далучается да размовы музыкальны кіраўнік Алена Сухадолава. – Сцэнарый складаю я. Выхавацелі груп выступаюць у якасці вядучых. Зараз гэту адказную ролю выконвала выхавацель адной са старэйшых груп Наталля Буднік. Такім чынам мы далучаем дзяцей да традыцый нацыянаьнай      культуры, захавання нашай спадчыны. І гэта набывае асаблівую актуальнасць у Год захавання гістарычнай памяці. Нашы выхаванцы цікавяцца спадчынай, якая засталася ім ад продкаў з глыбіні вякоў, і гэтая якасць пазней абавязкова стане асновай іх неабыякавых адносін да гісторыі краіны ў цэлым.

Адразу пасля свята ў актавым зале Каляда прайшла і па дзіцячых групах, дзе зычыла усім шчасця, здароўя і дабрабыту ў семьях, частавала салодкімі пачастункамі.