Традыцыйна яе ладзіць грамадскае аб’яднанне “Патрыёты Беларусі”, і зноў жа сімвалічна, што яна распачалася на Міншчыне.
На ўрачыстай цырымоніі актывістам аб’яднання “Патрыёты Беларусі” былі перададзены флагі кожнага раёна Мінскай вобласці. Зрабілі гэта ганаровыя прадстаўнікі рэгіёнаў. Права перадаць флаг Крупшчыны было прадастаўлена дырэктару ААТ “Крупскі льнозавод” Васілію Хомічу.
Гэта вядомы і паважаны чалавек, вопытны кіраўнік, аўтарытэтны ў нашым раёне. Яго працоўныя заслугі адзначаны ўрадавымі ўзнагародамі: медалём “За працоўныя заслугі”, нагрудным знакам адзнакі Міністэрства сельскай гаспадаркі і харчавання Беларусі “За заслугі ў сельскай гаспадарцы”, юбілейным медалём “100 год органам дзяржаўнага кіравання сельскай гаспадаркай і харчаваннем Беларусі”.
