Перад заканчэннем адыходзячага года мы падводзім вынікі. Я прапаную кожнаму задаць сабе пытанне: колькі я зрабіў у мінулым годзе для сябе, а колькі для Хрыста? Я ўпэўнены, кожны сапраўдны вернік павінен рабіць для Бога больш, чым для сябе.
Божае Нараджэнне – гэта самы вялікі доказ таго, што Творца нас любіць, дапамагае нам і будзе з намі да сканчэння вякоў!
Малюся, каб свята Божага Нараджэння прыйшло ў кожнае сэрца і прынесла з сабой шмат радасці, шчасця, і каб кожны перажыў любоў нашага Госпада!
Няхай у вашым жыцці заўсёды будзе адзінае святло – Езус Хрыстус, Які будзе прыкладам для ўсіх нас.
Як больш за дзве тысячы гадоў таму Анёл сказаў пастухам: «Я абвяшчаю вам вялікую радасць, якая будзе для ўсяго народа, бо нарадзіўся вам сёння ў горадзе Давіда Збаўца, якім ёсць Хрыстус Пан».
Так і сёння мы абвяшчаем радасную вестку: нарадзіўся Збавіцель! А гэта значыць – у кожнага з нас ёсць шанец на збаўленне!
Са святам Божага Нараджэння, шаноўныя крупчане!
Ксёндз Віталій СТРЫГА, пробашч касцёла Святога Юзафа ў Крупках.
