Гэтае цудоўнае свята аб’ядноўвае нас, дазваляе глыбей усвядоміць радасць жыцця, абуджае жыць сумленна, быць міласэрнымі, дапамагаць тым, каму патрэбны клопат, суцяшэнне і падтрымка. Раство для вернікаў з’яўляецца сімвалам чысціні, шчырасці і чалавечнасці.
Адзінства нашага грамадства, заснаванае на ўзаемапаразуменні прадстаўнікоў розных нацыянальнасцей і веравызнанняў, стварае ўсе ўмовы для духоўна-маральнага ўдасканальвання чалавека. Маральная сіла хрысціянскага вучэння выражае вечныя імкненні людзей да міру, дабра і святла.
У святочныя калядныя дні нашы сэрцы перапоўнены верай, надзеяй і спачуваннем, натхненнем на стварэнне добрых спраў.
Жадаю вам моцнага здароўя, духоўнай радасці, дабрабыту і каляднага настрою! Няхай надыходзячы новы год прынясе ўпэўненасць у заўтрашнім дні, дасць сілы вытрымліваць усе жыццёвыя выпрабаванні.
Старшыня Крупскага раённага выканаўчага камітэта Анатолій Козел.
