Згодна распараджэння, у ходзе правядзення месячніка кіраўнікі раённых прадпрыемстваў, арганізацый, устаноў, старшыні сельскіх выканаўчых камітэтаў павінны арганізоўваць работу па абуладкаванні, эстэтычным афармленні падведамасных і прылеглых тэрыторый, забяспечыць азеляненне тэрыторый населеных пунктаў пасадкай дрэў і кустоў, добраўпарадкаванне тэрыторый паркаў, збор і вываз лому чорных і каляровых металаў у пункты прыёму, а таксама ліквідацыю несанкцыянавана размешчаных будаўнічых і іншых адыходаў.
Прапанавана таксама падчас месячніка праводзіць суботнікі з максімальна эфектыўным удзелам усіх устаноў, прадпрыемстваў, арганізацый і насельніцтва, вызначыўшы неабходныя аб’ёмы работ, працоўныя і матэрыяльныя рэсурсы, адказных за арганізацыю навядзення парадку на замацаваных тэрыторыях прадпрыемстваў, арганізацый, устаноў, тэрыторыях агульнага карыстання населеных пунктаў, могілак, пустуючых зямельных участкаў, садаводчых таварыстваў, гаражных кааператываў і прылеглых да іх землях.
ДЛГУ «Крупскі лясгас», філіялам КУП «Мінскаблдарбуд» – «ДРБУ № 164», «ДЭУ № 8» РУП «Віцебскаўтадар», «ДЭУ № 69» РУП «Мінскаўтадар-Цэнтр» неабходна правесці работы па ліквідацыі несанкцыянаваных звалак на землях ляснога фонду і ў кантралюемых зонах дарог, забяспечыўшы рэгулярную ўборку і вываз камунальных адыходаў з прыпынкаў, зон і месцаў адпачынку і прылеглых да іх тэрыторыях, а таксама ўборку ветравальных і сухастойных дрэў. Да таго ж, Крупскі лясгас павінен забяспечыць КУП «Жылцеплабуд» дастатковай колькасцю і асартыментам пасадачнага матэрыялу для правядзення азеляняльных работ.
