Крупшчыну прадстаўляла Шаркова Антаніна Сцяпанаўна, ураджэнка г.п. Халопенічы. З дзяцінства яна была рамантыкам, марыла падарожнічаць і пазнаць розныя краіны. Яе мары збыліся: наша зямлячка шмат дзе была, бачыла моры і акіяны, гейзеры і вулканы. І аб сваіх падарожжах расказала ў вершах і апавяданнях. У Антаніны Сцяпанаўны выйшлі тры кнігі: зборнікі вершаў «Осенняя песня» (2011 г.); «Тепло души моей» (2020 г.) і зборнік апавяданняў і гісторый «Паутинка в раю». Таксама яе вершы друкаваліся ў газетах «Крупскі веснік»; «Друг пенсионера»; «Борисовские новости» і ўвайшлі ў зборнік «Ручаіны». Яна піша вершы і прозу на беларускай і рускай мовах. З кнігамі нашай зямлячкі можна пазнаёміцца ў чытальнай зале Крупскай раённай бібліятэкі.
Падчас рэгіён-фэсту адбылася творчая эстафета прэзентацыйных выступленняў удзельнікаў. Аддзел маркетынгу Крупскай раённай бібліятэкі імя Янкі Купалы падрыхтаваў візітоўку біяграфіі і творчасці Антаніны Шарковай. Вершы нашай зямлячкі, асабліва гумарыстычныя, вельмі спадабаліся літаратарам суседніх рэгіёнаў, а таксама ўсім прысутным. Кнігі Антаніны Сцяпанаўны, якія яна падаравала Бярэзінскай цэнтральнай раённай бібліятэцы, былі прадстаўлены на выставе «Адрасы творчасці». За ўдзел у мерапрыемстве пісьменніца і раённая бібліятэка атрымалі дыпломы ўдзельнікаў.
Ванда ВАСІЛЕВІЧ, загадчык аддзела бібліятэчнага маркетынгу Крупскай раённай бібліятэкі імя Я. Купалы. Фота прадастаўлена аўтарам.
Во вторник, 8 июля, с 9.00 до 10.00 состоится прямая телефонная линия с главным врачом УЗ «Крупская ЦРБ» ЛЕОНОВИЧ Екатериной Михайловной. 
