Удзел у ім прынялі школьнікі з усяго раёна. Хлопчыкі і дзяўчынкі прадставілі свае дзіўныя і ўнікальныя работы. На выставе можна ўбачыць самыя разнастайныя па форме і па тэхніцы выканання вырабы. Тут прадстаўлены пасхальныя кампазіцыі, сувеніры, паштоўкі, малюнкі. Работы выкананы ў розных тэхніках: вышыўка, бісераткацтва і бісерапляценне, вязанне, квілінг, дэкупаж. Якасць вырабаў проста здзіўляе. А фантазіі школьнікаў не было межаў, яны літаральна засялілі зал пасхальнымі яйкамі, куранятамі, зайцамі, анёламі, букетамі.