Адразу варта заўважыць, што амаль пяць тысяч крупчан, якія выпісваюць раённую газету, заўсёды ведаюць навіны Крупшчыны. І ў гэтым мы ў чарговы раз пераканаліся, калі ў мінулы чацвер, 19 верасня, праходзіла акцыя «Абласны дзень падпісчыка». У аддзяленні паштовай сувязі № 1 нашага горада прапаноўвалася пазнаёміцца з навінкамі перыёдыкі, можна было пагартаць каталогі, каб затым выпісаць тое ці іншае выданне.– Падпісная кампанія на перыёдыку на апошні квартал бягучага года ў самым разгары, – зазначыла начальнік Крупскага ўчастка паштовай сувязі Людміла Пацэева. – Вось і сёння ў абласны Дзень падпісчыка, акрамя грамадскіх распаўсюджвальнікаў друку, для хутчэйшага абслугоўвання ўсіх падпісчыкаў і афармлення абанементаў у зале працуе яшчэ адзін аператар сувязі. Мы ўсе разам стараемся зрабіць усё магчымае, каб друкаванае слова ішло ў кожны дом як гараджаніна, так і вяскоўца. Прыемна тое, што амаль кожны, хто прыходзіць у гарадское аддзяленне сувязі, каб аплаціць камунальныя паслугі, атрымаць пенсію або папоўніць рахунак мабільнай сувязі, выпісвае раённую газету «Крупскі веснік».
І пераканацца ў гэтым нам давялося на самым пачатку правядзення абласной акцыі. Падпіску на ІV квартал бягучага года падоўжылі Ларыса Пручкоўская з вул. Перамогі, Яніна Мікульчык з вул. Інтэрнацыянальнай, Валянціна Скваркоўская з вул. Усходняй, Ларыса Беспаяська з вул. Савецкай, Іосіф Карчміт з вул. Мінскай, Вольга Трацэўская з вул. Майскай, Ірына Каленцыёнак з зав. Паўднёвага і многія іншыя. Той, хто афармляў падпіску на наша перыядычнае выданне на квартал, атрымліваў сувеніры з лагатыпам газеты «Крупскі веснік».
За тыя гадзіны, калі ішла падпіска, мы пачулі шмат шчырых слоў у адрас газеты: цікавая, змястоўная, падабаюцца многія публікацыі. Гэта, у прыватнасці, гаварылі Тамара Асіповіч, Лілія Глушчанка, Валянціна Мініч, Тамара Ціханчук, Вера Цітавец...
– Сёння аўдыторыя чытачоў раённай газеты ў горадзе складае каля паўтары тысячы чалавек, – уключылася ў размову начальнік аддзялення сувязі Крупкі-1 Кацярына Кірык. – Па папулярнасці «Крупскі веснік» – лідар сярод іншых выданняў. І ў гэтым вялікая заслуга паштовых работнікаў, якія забяспечваюць трывалую сувязь з падпісчыкамі, імкнуцца хутчэй даставіць ім свежы нумар газеты, своечасова паклапаціцца аб тым, каб у наступным квартале або паўгоддзі абанент не застаўся без свайго любімага выдання.
Дзень падпісчыка выявіў як пастаянных прыхільнікаў раённай газеты, так і яе новых чытачоў. Мы яшчэ раз пераканаліся, што ў газеты шмат добрых сяброў.
Во вторник, 8 июля, с 9.00 до 10.00 состоится прямая телефонная линия с главным врачом УЗ «Крупская ЦРБ» ЛЕОНОВИЧ Екатериной Михайловной. 
