Напачатку была аформленна і наладжана інфармацыйная прастора школы: інфармацыйны стэнд, выстава кніг-юбіляраў 2021 года, выстава “Беларускае – самае маё”, выстава малюнкаў да літаратурных твораў беларускіх пісьменнікаў сярод вучняў 5-8 класаў, выстава малюнкаў “Вобразы мілыя роднага краю” сярод вучняў 1-4 класаў.

Вучні 5 і 11 класаў у рамках урокаў беларускай літаратуры прынялі удзел у конкурсе на лепшага чытальніка верша Я.Янішчыц “Ты пакліч мяне.Пазаві” (11 клас) і ўрыўка “Дарэктар” з паэмы Я. Коласа “Новая зямля” (5 клас). Лепшыя работы былі адзначаны найвышэйшым балам.

А вучні 10 класа паказалі сваё майстэрства ў конкурсе “Фразеалагізмы ў малюнках”.

18 лютага прайшлі музычныя перапынкі “Цяпло роднага слова”. Вучні, настаўнікі і працаўнікі школы змаглі праслухаць і ўзгадаць такія беларускія песні як “Купалінка”, “Цячэ вада ў ярок”, “Ох і сеяла Ульяніца лянок”, “Рэчанька”, “Рушнікі і г.д.

На працягу двух дней (18-19 лютага) быў наладжаны прагляд фільмаў, знятых па творах беларускіх пісьменнікаў (“Знак бяды”, “Жураўліны крык”, “Новая зямля” і г.д.) А таксама кіналекторый “Беларускія мультфільмы: Дыснею не снілася”.

19 лютага вучні паспрабавалі скласці сэрца любімых слоў “Жыві ў сэрцы маім матуліна слова”.
У 7 класе прайшла інтэлектальная гульня “Знаўцы роднай мовы”. Каманды разгадвалі крыжаванкі, збіралі букеты з палявых і садовых кветак, разгадвалі прыказкі згодна лічбам беларускага алфавіта, перакладалі словы з рускай мовы на беларускую.

Вельмі шмат мерапрыемстваў прайшло і ў пачатковых класах: гульня-спаборніцтва “Перакладчыкі”, мерапрыемства “Беларусь мая сінявокая”, клубная гадзіна “Чытаем беларускія народныя казкі”, пазнавальна-інтэлектуальная гульня “Зямля пад белымі крыламі”, інтелектуальная гадзіна “Знаўцы роднай мовы”. Вучні даведаліся шмат чаго новага пра роднае слова, родную мову, беларускую культуру. А свае здольнасці па веданню беларускай мовы праверылі падчас правядзення алімпіяды па беларускай мове “Юны мовазнаўца” і ў час конкурса “Грамацей”, дзе пісалі навучальны дыктант, прысвечаны беларуска прыродзе.

20 лютага прайшла акцыя “Размаўляй са мной па-беларуску”. У рамках гэтай акцыі было праведзена мерапрыемства “Усміхніся, павітайся па-беларуску – і атрымай…”. Кожны, хто у гэты дзень быў на працы, на занятках і выхаваўчых мерапрыемствах, змог далучыцца да гэтага свята. Трэбы было павітацца па-беларуску (дапускалася сказаць слова на беларускай мове) і атрымаць за гэта цукерку.

А апошнім акордам гэтага цудоўнага свята роднай мовы сталі малюнкі на снезе “Люблю родную мову”.

Настаўнік беларускай мовы і літаратуры Навіцкая Тацця Аляксандраўна, настанік пачатковых класаў Адзінцова Кацярына Мікалаеўна.