Сваёй шчырай працай яны ўнеслі вялікі ўклад у развіццё гэтых важных сфер дзейнасці. А зараз больш часу для захапленняў і творчасці – і яны выкарыстоўваюць гэта на ўсе сто працэнтаў.
Таццяна Яўгенаўна, Алена Аляксандраўна і Валянціна Іванаўна актыўныя ўдзельніцы грамадскага жыцця. Іх можна ўбачыць на шматлікіх імпрэзах, конкурсах, выставах, сустрэчах, вечарынах. Яны адмысловыя рукадзельніцы і кулінары, заўзятыя кветкаводы і агародніцы, добра спяваюць і захапляюцца паэзіяй. І кожная – вельмі глыбокая, цікавая, рознабаковая асоба. Менавіта таму да гэтых жанчын заўсёды цягнуцца людзі, яны жаданыя госці ў сваіх працоўных калектывах, да іх аўтарытэтнага слова прыслухоўваюцца і маладыя, і сталыя.
Майстэрства жыцця, актыўнасць, неабыякавасць да таго, што адбываецца навокал, непасрэдны ўдзел у самых розных справах – добры прыклад для кожнага з нас.