Нераст – важнейшае звяно ў жыццёвым цыкле рыб. Ён забяспечвае аднаўленне і і няспыннае абнаўленне відаў. Большасць рыбы, якая знаходзіцца ў беларускіх вадаёмах, нерасціцца вясной, таму ў гэты перыяд уводзяцца асобыя ахоўныя меры. Вось што аб гэтым расказвае старшы дзяржаўны інспектар Барысаўскай міжраённай інспекцыі Сяргей ЧУБКОЎ.– У Мінскай вобласці забарона на лоўлю рыбы пачне дзейнічаць з 1 красавіка і падоўжыцца па 30 мая. У гэтыя ж тэрміны забараняецца здабываць рака вузкапалага (доўгапалага).
Падчас нераставай забароны аматарскае рыбалоўства поўнасцю не забаронена, але істотна абмежавана: рыбачыць можна толькі адной вудай з адным кручком або адным спінінгам, аснашчаным штучнай прынадай з адным кручком або адным спінінгам, аснашчаным штучнай прынадай, з адным адзінарным або двайным, ці трайным кручком у светлы час сутак з берага (без заходу ў ваду), са штучных збудаванняў (акрамя чыгуначных ці іншых мастоў, плацін, ля шлюзаў, помпавых станцый і іншых гідратэхнічных збудаванняў).
Прымяненне любых іншых прылад або спосабаў лоўлі ў перыяд забароны кваліфікуецца як парушэнне і цягне накладанне штрафу ў памеры ад 20 да 50 базавых велічынь. За вылаўленую забароненым спосабам або прыладай рыбу парушальнік абавязаны пакрыць урон, які ў перыяд нераставай забароны вылічваецца па трайных таксах. Прычыненне шкоды на суму 100 і больш базавых велічынь з’яўляецца падставай для ўзбуджэння крымінальнай справы.
На працягу ўсяго перыяду забароны нельга карыстацца маламернымі судамі – не толькі для рыбалоўства, але і для іншых мэт.
Тэрміны агульнай вясновай забароны перасякаюцца з нераставымі забаронамі, устаноўленымі асобна на некаторыя віды рыбы – шчупака, судака, сома. Такую рыбу, злоўленую у перыяд забароны на здабычу канкрэтнага віду, неабходна адпусціць назад у вадаём.
Крупская ЦРБ информирует о возможности получить консультацию врача общей практики на базе УЗ «Крупская ЦРБ» 27 ноября. 
