Самыя розныя мерапрыемствы ў Слоніме разгорнуцца адразу на 16 гарадскіх пляцоўках. У гэтыя дні Слонім сустракае гасцей рытмічным шумам будаўнічай тэхнікі. Да святкавання ХХVІ Дня беларускага пісьменства засталося зусім нямнога, і гасцінны гаспадар спяшаецца навесці парадак. У горадзе змяняюцца фасады дамоў, абнаўляюцца дарогі, высаджваюцца кветкі.Святочныя мерапрыемствы разгорнуцца адразу на 16 гарадскіх пляцоўках – ад тэатральнай да маладзёжнай з фотазонамі і гастранамічнымі тонкасцямі.
Добраўпарадкоўваецца вуліца Агінскага з прылеглай да аднайменнага канала тэрыторыяй, вядзецца рэканструкцыя гасцініцы «Шчара». Напярэдадні свята прыведзены ў парадак вуліцы ў цэнтральнай частцы горада: Оперная, 1-я Берагавая і 2-я Берагавая, Чапаева, завулак Дружбы, а таксама шмат іншых.
Дзень беларускага пісьменства традыцыйна аб’ядноўвае пісьменнікаў, чытачоў, выдаўцоў і прадаўцоў кніг. На галоўнай сцэне Слоніма будуць падведзены вынікі Нацыянальнай літаратурнай прэміі і названы імёны лепшых беларускіх аўтараў.
А яшчэ падчас свята ў горадзе ўрачыста адкрыюць магазін сеткі «Белкніга». Спецыяльна да гэтай адметнай падзеі выпушчаны літаратурны альманах «Старонка», які прысвечаны Слоніму і напоўнены творамі паэтаў і пісьменнікаў, што жылі і тварылі тут. Слонімская зямля заўсёды была багатай на літаратурныя таленты. Гэта радзіма Кандрата Лейкі, Сяргея Дарожнага, Анатоля Іверса, Валянціна Таўлая, Алега Лойкі і іншых.
Усе спадзяюцца, што 1 верасня жыхары горада і госці з усіх куткоў Беларусі ўбачаць, што горад стаў яшчэ прыгажэйшым, яшчэ больш утульным і гасцінным, а свята пройдзе на высокім узроўні.
Во вторник, 8 июля, с 9.00 до 10.00 состоится прямая телефонная линия с главным врачом УЗ «Крупская ЦРБ» ЛЕОНОВИЧ Екатериной Михайловной. 
