У такіх, абмежаваных па часе ўмовах, людзі часта памыляюцца, прымаюць рашэнні і робяць дзеянні, якія караюцца крымінальным кодэксам. Але як правільна прыняць рашэнне? У крытычных і стрэсавых сітуацыях нашыя дзеянні вызначаюць толькі інтуіцыя, вопыт, веды…
Правамерна лічыцца, што ў Святым Пісанні ўтрымліваецца ўся мудрасць чалавецтва, і калі ведаць і разумець Слова Божае, то яно дапамагае хутка арыентавацца ў цяжкіх і незвычайных абставінах.
У папраўчай установе адкрытага тыпу № 39 (ПУАТ-39) рэгулярна праводзяцца сустрэчы з удзельнікамі розных рэлігійных плыняў. Хоць метады ва ўсіх адрозніваюцца, але мэта адна – дапамагчы асуджаным знайсці шлях да Бога. У гісторыі ёсць шмат прыкладаў, калі «мацёрыя» злачынцы, знайшоўшы Бога, пакідаюць сваю супрацьпраўную дзейнасць, робяцца добрымі сем’янінамі, бацькамі, і прыкладам паводзін у грамадстве.
Найбольш рэгулярнай і метадычнай у ПУАТ-39 з’яўляецца дзейнасць святароў Беларускай Праваслаўнай Царквы. Гэта не дзіўна, таму што сярод веруючых асуджанных значная большасць праваслаўныя. Так, на працягу амаль васьмі гадоў памочнік благачыннага Крупскай акругі Сяргей Сцяпанавіч Сачук кожную суботу прыходзіць у ПУАТ весці асветніцкую работу. Атмасфера на такіх сустрэчах заўсёды сяброўская, разам молімся, вывучаем кнігі Святога Пісання, абмяркоўваем жыццёвыя праблемы.
Цяперашні 2024 год адметны яшчэ і тым, што сёлета спаўняецца 30-годдзе ўзаемадзеяння Беларускай Праваслаўнай Царквы і Дэпартамента выканання пакаранняў. Напачатку года асуджанныя ПУАТ-39 пад кіраўніцтвам супрацоўніка наведалі на Раство святочную службу ў Крупскім храме Мікалая Цудатворцы, а на Хрышчэнне Гасподне ўсе жадаючыя змаглі акунуцца ў палонку.
Зараз перад кожным з нас задача – выправіцца. Выправіць сваё мысленне, пераацаніць каштоўнасці і паступаць правільна. Пераасэнсаваць свае ўчынкі дапаможа Пісанне, і Усявышні дапаможа жыць правільна. Галоўнае – знайсці да яго шлях.
Уладзімір Буцькавец. Фота Максіма Буката.