Набліжаюцца Калядныя і Навагоднія святы. А гэта, як правіла, пара ўсемагчымых акцый, распродажаў, маркетынгавых мерапрыемстваў. Іх арганізатары імкнуцца зрабіць для сваіх кліентаў самыя лепшыя прапановы і падарункі.Аб тым, што падрыхтавала для жыхароў раёна Крупскае раённае спажывецкае таварыства, мы спыталі ў намесніка старшыні райспажыўтаварыства Ірыны ГУСЕЎСКАЙ:
– Адразу заўважу, што ў нехарчовых магазінах раённага спажывецкага таварыства – «Прамтавары» г. Крупкі, «Гаспадарчыя тавары» г. Крупкі, г.п. Халопенічы, «Купалінка» аграгарадка Ухвала, «Дзіцячы свет» г. Крупкі – мы плануем шмат навагодніх акцый.
У прыватнасці, 20 снежня праходзіць «Ноч падарункаў» са скідкай з рознічных цэн у памеры 10% на ўвесь рэалізуемы асартымент тавараў.
З першага па 31 снежня праводзіцца акцыя «Навагоднія падарункі» з прадастаўленнем скідкі ў памеры 10% на наступную пакупку пры аднакратным набыцці тавараў на агульную суму звыш 200 рублёў у адным чэку.
З 26 па 31 снежня будзе праходзіць распродаж тавараў навагодняга асартыменту з прадастаўленнем скідкі не менш 15% на тавары навагодняга асартыменту – ёлкі і сосны натуральныя, мішура, ёлачныя ўпрыгажэнні, электрагірлянды, сувеніры і інш.
У магазіне «Дзіцячы свет» сумесна з камітэтам прафсаюза і Цэнтрам карэкцыйнага развіваючага навучання і рэабілітацыі Крупскага раёна ў перыяд з 1 па 31 снежня арганізавана сацыяльная акцыя «Дары дабро – стань Дзедам Марозам».
І гэта яшчэ не ўсё. Пакупнікі магазінаў «Родны кут» № 12 і № 14 па вул. Леніна, вул. Міра г. Крупкі, у чыіх чэках будзе сума больш за 100 рублёў, атрымаюць падарункі ў цэнавым дыяпазоне ад 7 да 25 рублёў. Гэта акцыя будзе доўжыцца да 25 снежня.
Нагадаю, што практычна ў кожным нашым магазіне размешчаны рэкламныя плакаты з інфармацыяй аб асартыменце і цэнах, аб канкрэтных датах і ўмовах праводзімых акцый. Прыходзьце, мы вам заўсёды рады.
