Мы трапілі ў поўную залу. Колькі асоб, радасці, усмешак. Штогадовы фестываль сабраў самых яркіх і таленавітых хлопчыкаў і дзяўчынак Крупшчыны. Дзеці спявалі добрыя песні, выконвалі запальныя танцы, чыталі прыгожыя вершы, спрабавалі сябе ў ролі акцёраў. А кампетэнтнае журы ўважліва сачыла за ўспышкамі новых зорак.У гэтым фестывалі кожны ўдзельнік змог праявіць сябе ў розных відах творчасці. У намінацыі «Вакальнае майстэрства» выступілі салісты, дуэты, трыо, цэлыя калектывы. У намінацыі «Харэаграфічнае майстэрства» таксама выходзілі на сцэну як сольна, так і дружнай кампаніяй. Хлопчыкі і дзяўчанкі паказвалі арыгінальнае майстэрства ў спецыяльнай намінацыі.
Здзівілі канкурсанты, якія ўдзельнічалі ў намінацыях «Акцёрскае мастацтва» і «Арыгінальны жанр і альтэрнатыўнае мастацтва». Канкурсанты «запальвалі» не па-дзіцячаму! На сцэне перад захопленымі гледачамі прамільгнуў калейдаскоп яркіх фарбаў, эксклюзіўных нарадаў і арыгінальных дэкарацый. Удзельнікі фестывалю прадставілі свае лепшыя нумары.
Усе канкурсанты – навучэнцы дзіцячай школы мастацтваў, устаноў адукацыі, устаноў дадатковай адукацыі, а таксама выхаванцы сельскіх дамоў культуры. Многія з удзельнікаў выступалі упершыню, а хтосці быў далёка не дэбютант. На працягу трох гадзін юныя таленты імкнуліся выкласціся на ўсе сто. Адразу было відаць, што хлопчыкі і дзяўчынкі да фестывалю рыхтаваліся грунтоўна – падабралі выдатны рэпертуар, прыдумалі прыгожыя рухі ў танцах, некаторыя спецыяльна да конкурсу змайстравалі арыгінальныя касцюмы і дэкарацыі.
Фестываль праводзіцца з мэтай выяўлення таленавітай моладзі, прапаганды яе творчасці, удасканалення прафесійнага майстэрства, стварэння ўмоў для пошуку, станаўлення і творчага развіцця таленавітай моладзі. Члены журы адзначылі, што кожны дзіця – пераможца. Хочацца, каб і надалей ўсе іх пачынанні былі паспяховыя. Дзякуй бацькам, бо развіццё творчых здольнасцяў дзяцей патрабуе сіл і часу. Мы ганарымся сваімі талентамі!
У пачатку наступнага месяца адбудзецца фінальны гала-канцэрт, на якім будуць узнагароджаны пераможцы фестывалю.
Больше видео выступлений на нашем канале Youtube.
