22 верасня акцыя «Абласны дзень падпісчыка» адбылася ва ўсіх аддзяленнях паштовай сувязі раёна. І варта заўважыць, што толькі ў гэты дзень крупчане выпісалі 647 экземпляраў газет і часопісаў, з іх 212 экземпляраў раённай газеты «Крупскі веснік».У абласны Дзень падпісчыка ў гарадское аддзяленне паштовай сувязі Крупкі-1 на сустрэчу з чытачамі зноў прыйшлі прадстаўнікі раённай газеты «Крупскі веснік». І недарэмна, бо людзі нас ужо чакалі.
– Такія акцыі праводзяцца з мэтай захавання падпісных тыражоў і павелічэння колькасці падпісчыкаў на газеты і часопісы на ІV квартал бягучага года, – адзначыла начальнік Крупскага ўчастка паштовай сувязі Барысаўскага раённага вузла паштовай сувязі Людміла Пацэева. – Відавочна, што многія крупчане прачыталі аб’яву аб абласным Дні падпісчыка ў раённай газеце «Крупскі веснік», а таксама зме-шчаную пры ўваходзе ў гарадское аддзяленне, таму і прыйшлі, каб падоўжыць падпіску на тое ці іншае перыядычнае выданне, пагартаць газеты і часопісы, прадастаўленыя ім для азнаямлення, сустрэцца з прадстаўнікамі прэсы. Для больш хуткага абслугоўвання падпісчыкаў афармленнем абанементаў сёння займаецца яшчэ адзін аператар сувязі. Нашы старанне і імкненне, каб друкаванае слова прыходзіла ў кожны дом, акупліваюцца. Прыемна адзначыць, што амаль кожны, хто заходзіць у аддзяленне, каб заплаціць камунальныя паслугі або атрымаць пенсію, выпісваюць газеты і часопісы, і ўжо ў абавязковым парадку – сваю раёнку.
І сапраўды. Яшчэ не было і 11-ці гадзін – часу, з якога праходзіла акцыя, а на паштовым аддзяленні ўжо былі Марыя Кулевіч з вуліцы Перамогі, Лідзія Мішына з вул. Чапаева, Святлана Шавялёва і Валянціна Кузняцова з вул. Савецкай, Тамара Курчак з вул. Чарняхоўскага, Марыя Марцынкевіч з вул. Падлеснай і многія іншыя. У аддзяленне, напрыклад, завіталі муж і жонка Цыбульскія, якія зараз жывуць у вёсцы Зароўе. Яны выпісалі «Комсомольскую правду», а падпіску на раённую газету пастаянна робіць бацька Валянціны, ветэран Вялікай Айчыннай вайны Аляксандр Фролавіч Аляксееў. Усе гаварылі добрыя словы ў адрас раёнкі, бо выпісваюць яе ўжо не адзін дзясятак гадоў, заўсёды цікавяцца справамі тых прадпрыемстваў і арганізацый, у якіх працавалі або працуюць цяпер. Прыемна, што перавагу раённай газеце аддавалі як пастаянныя чытачы, так і новыя. Той, хто афармляў падпіску на наша выданне адразу на квартал, атрымліваў блакноты з лагатыпам газеты «Крупскі веснік».
Начальнік Крупскага ўчастка паштовай сувязі, якая падчас правядзення акцыі прысутнічала ў зале, пры нашай размове заўважыла:
– Хочацца праз газету звярнуцца да тых крупчан, якія яшчэ не падоўжылі падпіску, паспяшацца ў гэтыя дні ў паштовыя аддзяленні або звяртацца да сваіх паштальёнаў. Напамінаю, падпісацца на газеты і часопісы на апошні квартал можна да 27 верасня ўключна. Жадаючых гэта зрабіць чакаюць у 17-ці стацыянарных паштовых аддзяленнях, трох перасоўных і на мотадастаўцы. Хачу адзначыць тых начальнікаў аддзяленняў паштовай сувязі, якія заўсёды імкнуцца аднавіць колькасць выпісаных раней выданняў. Гэта Ларыса Ляшкова з аграгарадка Замкі, Наталля Сакалова з пас. Крупскага, Таццяна Чарняўская з Абчугі і аператар Ала Варановіч з ПАПС-3. На селектарнай нарадзе, якая прай-шла на бягучым тыдні, перад намі пастаўлена задача – стопрацэнтна аднавіць усю падпіску, што была ў папярэднім квартале. Верасень вось-вось закончыцца, таму мы яшчэ раз напамінаем нашым чытачам аб завяршэнні падпісной кампаніі на чацвёрты квартал.
