Для далейшай работы па вырашэнні найбольш значных пытанняў па навядзенні парадку на зямлі і добраўпарадкаванні тэрыторый населеных пунктаў Крупскім раённым выканаўчым камітэтам зацверджаны план мерапрыемстваў на 2019 год.Усе адказныя за гэта службы павінны і далей забяспечваць штомесячныя абследаванні адміністрацыйных тэрыторый для выяўлення фактаў несанкцыянаванага размяшчэння адходаў, несвоечасовага скошвання пустазелля, невыкарыстання і самавольнага займання зямельных участкаў, псавання земляў, самавольнага карыстання нетрамі, парушэнняў прыродаахоўнага заканадаўства на сельскагаспадарчых аб’ектах і ў населеных пунктах з прыняццем адпаведных мер рэагавання.
На працягу года будзе кантралявацца добраўпарадкаванне і ўтрыманне тэрыторый населеных пунктаў, падтрыманне ў належным стане і абуладкаванне сельскагаспадарчых тэрыторый, тэрыторый уздоўж аўтамабільных дарог, ляснога фонду, зон адпачынку, асабліва ахоўваемых прыродных тэрыторый, правядзенне рэкультывацыі адпрацаваных унутрыгаспадарчых кар’ераў, падтрыманне ў належным стане месц пахавання, правядзенне меліярацыйных мерапрыемстваў, папярэджанне дэградацыі і павышэнне ўрадлівасці глебы.
Значная ўвага на працягу года будзе ўдзяляцца абуладкаванню будаўнічых пляцовак, забеспячэнню наяўнасці на будаўнічых пляцоўках месц часовага захоўвання будаўнічых адходаў і іх своечасовага вывазу, падтрыманню ў належным стане тэрыторый і аб’ектаў уздоўж чыгуначных дарог, правядзенню мерапрыемстваў па прыцягненні земляў пад драўнінна-хмызняковай расліннасцю, правядзенню абследаванняў тэрыторый па навядзенні парадку, выяўленні парушэнняў і прыняцця мер па іх ухіленні, у тым ліку адміністрацыйнага ўздзейнічання, у адпаведнасці з заканадаўствам.
Да 8 мая плануецца абуладкаваць мемарыяльныя комплексы, месцы баявой і воінскай славы, пахаванняў воінаў і партызан Вялікай Айчыннай вайны, пахаванняў у месцах масавай гібелі грамадзянскага насельніцтва. Выканаўцы – КУП «Жылцеплабуд», Акцябрскі, Бобрскі, Ігрушкаўскі, Крупскі, Ухвальскі, Халопеніцкі, Хацюхоўскі сельвыканкамы.
Упраўленне па сельскай гаспадарцы і харчаванні, Акцябрскі і Халопеніцкі сельвыканкамы, Крупскі лясгас і Крупскае ПМС з красавіка па кастрычнік абавязаны рэгуляваць распаўсюджанне і колькасці баршчэўніка Сасноўскага і залатарніка канадскага, а раённая інспекцыя прыродных рэсурсаў і аховы навакольнага асяроддзя ажыццяўляць кантроль за выкананнем гэтага пункта мерапрыемстваў.
На аддзел землеўпарадкавання райвыканкама ўскладзены абавязак па арганізацыі і правядзенні ў вясенні і асенні перыяды месячнікаў па навядзенні парадку, добраўпарадкаванні і паляпшэнні стану аб’ектаў і тэрыторый.
Як бачым, навядзенне парадку на зямлі і добраўпарадкаванне тэрыторый у населеных пунктах, іншыя не менш важныя накірункі былі і застаюцца прыярытэтнымі для ўсіх. Якасць жыцця, здароўя, адпачынку і працаздольнасці людзей напрамую залежаць ад стану прыроды.
